Сурталчилгаа өндөрлөж, сонголт хийх үлдлээ Дугаарын хязгаарлалт үйлчлэхгүй Ерөнхий сайд ”Говь”-ийн нээлтэд оролцоно СЕХ-ноос уриалга гаргажээ Улаанбаатарт 33 хэм дулаан байна Үс засуулахад тохиромжгүй Ерөнхийлөгчид нэр дэвшигчид мэтгэлцэж байна 10 дугаар хорооллын туслах замыг шинэчилнэ “Монлаа”-гийн айл өрхүүд шинэ замтай боллоо Сонгогчдын хуруунд бэхээр тэмдэг тавина Н.Оюундарь Европын парламентын гишүүнтэй уулзлаа 1990 оны цагаан Морин жилээс илгээсэн ЗАХИДАЛ Хэт халахыг сэрэмжлүүлж байна Хүмүүжигчдийн гэр бүлтэй уулзалт хийнэ Ихэнх нутгаар 30 градусыг давж хална Үс засуулахад тохиромжгүй Дэлхийн алдартнууд Монголд Сонгуулийн хэсгийн хороодод хяналтын камер суурилууллаа Борооны дараа их цэвэрлэгээ хийлээ Дулааны болон ус түгээх шугам хоолойг засварлалаа
Улаанбаатар 18°
Сиричүүдийн эсрэг зарин хийг ашиглажээ
2017.4.20

 

Олон улсын Химийн зэвсэг хориглох байгууллага /OPCW/ Сирийн Идлиб мужийн Хан Шейхун хотноо ажиллажээ. Тус байгууллагын тэргүүн Ахмет Узумсу “Химийн зэвсэгт хордсон арван хүнээс дээж авч, тэдний эсрэг ямар төрлийн химийн зэвсэг ашигласан болохыг мэргэжилтнүүд тогтоолоо Лабораторийн шинжилгээний хариугаар иргэдийн эсрэг “зарин” гэх химийн зэвсэг ашигласан байна” гэж мэдэгджээ.

 

Гурван долоо хоногийн өмнө Хан Шейхун хотын иргэдийн эсрэг химийн зэвсэг ашиглаж, 87 хүн амиа алдаж, 500 гаруй хүн гэмтжээ. АНУ тэргүүтэй барууны орнууд иргэдийн эсрэг химийн зэвсэг ашиглах тушаалыг Сирийн Ерөнхийлөгч Башар аль Ассад өгсөн хэмээн буруутгаж, Пентагон Сирийн Хомс хотноо байрлах тус улсын агаарын баазыг пуужингаар харваж, сөнөөсөн юм.

 

Харин Ерөнхийлөгч Ассад “химийн зэвсэг ашиглах тушаал өгөөгүй, энэхүү хэргийн ард террористууд эсвэл босогчид бий” гэсэн билээ.

 

Сирийн Ерөнхийлөгч 2013 онд Америкийн “Фокс” сувагт өгсөн ярилцлагынхаа үеэр “зарин хийг гал тогооны хий гэж нэрлэдэг. Яагаад гэдгийг нь мэдэх үү? Энэ хийг хэн ч гэртээ хийж чаддаг болохоор тэр. Сирийн ямар ч босогч зарин хийг хийж чадна” гэж ярьж байжээ. Террористууд Дамаск хотноо 2013 оны есдүгээр сард алан хядах ажиллагаа зохион байгуулах үеэрээ зарин хийг ашиглаж байсан юм.

 

 

Б.Дэлгэрцэцэг 

Сиричүүдийн эсрэг зарин хийг ашиглажээ
Shuud.mn
сонин хачин
2017 оны 6-р сарын 25, Ням гараг