Шинэ орон сууцны үнэ өсчээ ”Улаанбаатар төмөр зам”-ын даргад албан бичиг хүргүүллээ ХСИС-д томилгоо хийгджээ Жүдогийн Мастерс тэмцээнд манай 15 тамирчин мэдүүлгээ өгчээ Төрийн тусгай албан хаагчдын эмнэлэг Чингэлтэйн иргэдэд үйлчилнэ Засгийн газар арилжааны банк дахь мөнгөн хөрөнгөө эргүүлэн татна Барилга, хот байгуулалтын сайдтай ажил хэргийн уулзалт хийлээ Аврах тусгай ангийн шилдгүүд тодорлоо Хатан хаан Зул сарын баяртаа Меганыг урьжээ Кирстен Данст жирэмсэн болжээ П.Орхон, Э.Бэхбаяр нар ”Бөртэ чоно”-д нэр дэвшив 1.6 сая солонгосчуудад өрөө төлөхөд нь туслах “Аз жаргалын сан” Малын генетик нөөцийн тухай хуулийн төслийг баталлаа Н.Оюундарь тэргүүтэй төлөөлөгчид зөвлөлдөх уулзалтад оролцов Брэд Питт, Лауронс нар болздоггүй Өвчтний мэдээллээ солилцох боломжтой болно Зургаан хоккейчны олон улсад тоглох эрхийг хасав Зургаан настай охиныг хүчиндсэн хэрэгтэнд 18 жилийн ял оноолоо ХААН Банк, АХБ, Зээлийн батлан даалтын сантай хамтран ЖДБ эрхлэгчдэд хөнгөлөлттэй зээл олгоно www.smartcar.mn цахим системийг танилцууллаа
Улаанбаатар -20°
Намаа базна гэсэн АН-ын дарга МАН-д базуулсан уу
2017.4.21

МАН-ын дотоод “зодоон” савнаасаа хальж, түмний нүднээс нуугдахаа болив. Ажиглагчдын хэлэх нь, сөрөг хүчингүй эрх баригчдын дүр төрх ийм байдаг гэх. Уг нь АН 2016 оны УИХ-ын сонгуулиар есөн суудал авч, бүлэгтэй ажиллаж байгаа. Гэвч энэ намынхан сөрөхөөсөө илүү тал засч, эсвэл таг дуугүй суудаг болсон. Тэгэхээр олны яриа ортой гэгчээр сөрөг хүчин байхгүй гэсэн үг. Үнэнийг хэлэхэд АН сөрөг хүчний үүрэг гүйцэтгэхтэй мантай байгааг учир мэдэх хүмүүс бас хэлж байна. Учир нь дотоод хагарал нь туйлдаа хүрч, гарах нь гарч, үлдэх нь үлдэх дээрээ тулаад байгаа юм байх. Ийм үед АН-ын дарга С.Эрдэнэ намынхаа эв нэгдлийг хангаж, эмх журманд оруулах учиртай.

 

 

Гэвч түүний санаснаар болохгүй байгаа бололтой юм. Тэрээр саяхан хэвлэлд ярихдаа “...Хэрвээ АН-д дургүй бол гараад явна биз. АН-ын гишүүн хүн байж намаа муулаад л, сөрөг мэдээлэл цацаж байгаа атлаа энэ намд байх ямар хэрэгтэй юм. Тэр хүмүүст хариуцлага тооцох тогтолцоог чангатгана. Шуудхан хэлэхэд, жаахан хатуу гараар л ажиллана. Дотоод сонгуулийн үеэр эхнээс нь жаахан хатуу гараар харьцаад эхлэхээр маш их шүүмжлэл ирлээ” гэчихсэн сууж байна. Өөрөөр хэлбэл намынхнаа базна гэж мэдэгдэж байна. Уг нь АН-ыг хатуу гараар удирдах имиж С.Эрдэнэд янзтай зохино. Тэгж чадах ч хүн Гэхдээ АН-ыг базна гэхээсээ МАН-д үг хэлдэг байх нь өнөөдрийн АН-ын даргын гол үүрэг болоод байгаа юм. Энэ нь өнөөх үгүйлэгдээд байгаа сөрөг хүчнийг хэлж байгаа хэрэг л дээ.

 

Гэвчиг С.Эрдэнэ даргад МАН-д үг хэлж, сөрж ажиллах бяр хүч баахан дутах бололтой юм. Түүнийг юм ярихаар л өөдөөс нь Нийгмийн даатгалын сангийн хөрөнгө яриад л нам болгочих ажээ. Өнгөрсөн оны сүүлчээс олон удаа “нэг сэдэв”-ээр амаа таглуулж байхыг харлаа. 2016 оны арванхоёрдугаар сарын 1-ний чуулган дээр УИХ-ын гишүүн С.Чинзориг “...Өмнө нь С.Эрдэнэ сайд байхдаа Үндэсний зөвлөлийг өөрөө ахалдаг болсон. Ингэснээр өнгөрсөн дөрвөн жилд сайнаас илүү муу нь давамгайлсан. Тэд Нийгмийн даатгалын сангийн хөрөнгөөр барилга байшин, хашаа хайс барьсан” гэв. Мөн 2017 оны дөрөвдүгээр сарын 7-ны өдрийн чуулган дээр Ерөнхий сайд Ж.Эрдэнэбат “...Нийгмийн даатгалын санг С.Эрдэнэ та дампууруулсан” гэж нам “алгадсан” байдаг. Түүнчлэн дөрөвдүгээр сарын 10-ны чуулган дээр УИХ-ын гишүүн Т.Аюурсайхан “...Нийгмийн даатгалын сан дампуурчихсан нь үнэн.

Үүнд С.Эрдэнэ буруутай нь үнэн. Энэ тухай баримт дэлгэнэ” гэв. Энэ мэтээр АН-ын дарга С.Эрдэнийг нам дуугүй болгодог болсон. Хүмүүс ярих нээ, АН-ын даргыг МАН базчихаад байна гэх ажээ. Юу юугүй Ерөнхийлөгчийн сонгууль болох гэж байдаг. АН олигтойхон байсан бол МАН-ыг ингэж хоорондоо хэмлэлдэж байхад нь хөөрхөн “цагаан” кандитат сойгоод төвөггүйхэн Ерөнхийлөгчийн сэнтийд залж, үүнтэйгээ хамт намынхаа нэрийг тэнгэрт тултал мандуулж болох л байв. Харин одоо эсрэгээрээ явж байгаа. Учир нь, намаа базна гэсэн АН-ын дарга МАН-д базуулчихаад байна гэлцэж байна.

 

Б.ДАМДИН-ОЧИР

 

Намаа базна гэсэн АН-ын дарга МАН-д базуулсан уу
Shuud.mn
сонин хачин
2017 оны 12-р сарын 14, Пүрэв гараг