Реппер Фредо Сантана нас баржээ Халз барилдаанд улсын харцага О.Хангай түрүүллээ Ким Чен Уны охидын хамтлагын ахлагч өмнөдөд “Од” болов ФОТО: Г.Мандахнаран, Д.Төмөрхүлэг нарын уран барилдаан Террористууд зочид буудал барьцаалж, 14 хүнийг хөнөөжээ Шашны фестивалын үеэр үймээн дэгдэж, таван хүн амиа алджээ НӨАТ: 100 сая төгрөгийн азтан тодорлоо 
 Хатгалгааны үед ямар шинжүүд илэрдэг вэ Худалдаа эрхлэгчид НӨАТ-ын асуудлаар мэдээлэл хийнэ Ройтерс: Эрдэнэтийн асуудал хөрөнгө оруулагчдын анхаарлын төвд байна Мөнгөн хадгаламжийн даатгалын хуулийг хэлэлцэнэ Х.Баттулга: Миний ярих сэдэв бол эдийн засгаа тэлэх асуудал Өтгөн яагаад хатдаг вэ, түүнээс хэрхэн сэргийлэх вэ Улаанбаатарт 27 хэм хүйтэн байна Ерөнхий сайд “Тогтвортой хөгжил-Ерөнхий боловсрол” зөвлөгөөнд оролцоно Газрыг улсын тусгай хэрэгцээнд авах төслийг хэлэлцэнэ АНУ-ын Төрийн департментын туслахыг хүлээн авч уулзлаа Алессандра Амбросио: Мөрөөдөл, карьерээ одоохондоо орхиж чадахгүйн Эд Ширан сүй тавьжээ Хоёр Солонгосын хамтарсан хоккейн баг олимпт орно
Улаанбаатар -37°
Хөвсгөл нутгийнхан өнгөтэй наадлаа
2017.7.14

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадам өргөн дэлгэр сайхан болж өндөрлөлөө. Өнөө жилийн улсын баяр наадамд Хөвсгөл нутгийн морь нь хурдан, бөх нь хүчтэй байв.

 

Гэрэл зургийг MPA.mn

 

Энэ жилийн Улсын Их баяр наадмын хурдан азарганы уралдаанд 92 шандаст хүлэг уралдсанаас Хөвсгөл аймгийн Мөрөн сумын харьяат, Улсын тод манлай уяач Т.Болдбаатарын  халиун азарга түрүүлж, түмэн олноо баясгалаа. Улсын манлай уяач Т.Болдбаатар “Төрийн наадмын алтан дэвжээг түрүүгээр мялааж, халиун азаргаа дахин түрүүлгэсэндээ баяртай байна. Халиун азарга минь олон жил олон түмнийг огшоож байна. Миний халиун азарга төрмөл хурдан азарга даа” хэмээн сэтгэгдлээ хуваалцсан. Эзнийх нь хэлснээр халиун азарга үнэхээр л төрмөл хурдан хүлэг юм. Өнгөрсөн жилийн /2016/ улсын наадмаар мөн л түрүү магнайд хурдлан торгон жолоо өргүүлж түмэн олноо баясгаж байсан билээ.

 

Гэрэл зургийг MPA.mn

 

Улсын наадмын хүчит бөхийн барилдаанд нийт 512 хүчтэн зодоглосноос Хөвсгөл аймгийн Тосонцэнгэл сумын харъяат улсын харцага Ц.Содномдорж түрүүлж улсын арслан цол хүртлээ. Тэрбээр үзүүр түрүүнд Увс аймгийн Улаангом сумын харъяат улсын харцага Ө.Бат-Оршихоор ес даван түрүүлж, олон түмнээ баясгав. Энэ жилийн хувьд дөрвөн харцага цолтон улсын наадмын их шөвөгт шалгарсан түүхэн дэх анхны тохиолдол болсноороо онцлогтой.

 

Ийнхүү хурдан азарганы уралдаанд Хөвсгөл аймгаас хурдан халиун азарга түрүүлсэн бол хүчит бөхийн барилдаанд мөн Хөвсгөл нутгийн харъяат бөх эр бяраа гайхуулан улсын наадамд түрүүллээ.

 

Г.Тэгшсүрэн 

Хөвсгөл нутгийнхан өнгөтэй наадлаа
Shuud.mn
сонин хачин
2018 оны 1-р сарын 22, Даваа гараг