Дээрмийн хэргүүдийг шуурхай илрүүлжээ Д.Норов гуайд хүндэтгэл үзүүллээ Өндөржүүлсэн бэлэн байдлын зэрэгт шилжин ажиллаж байна Иргэд тууралтат болон гэдэсний өвчний талаар зөвлөгөө авчээ Жилийн заслаа хийлгэж, буянаа арвижуулаарай Пёнчан 2018: Б.Ачбадрах 97, Ч.Отгонцэцэг 84-дүгээр байрт орлоо Олон улсын нислэг хуваарийн дагуу үйлчилж байна Ялимгүй цас орж, явган шуурга шуурна Үс засуулбал эд малтай баялаг төгс болно Пёнчан 2018: Тонга улсын тугч залуу дахин өөр төрөлд хүч сорих уу? Тайра Бэнкс: Би дахин тээгч эхийн тусламжтай хүүхэдтэй болно ОХУ-ын Ерөнхийлөгчийн сонгуульд ажиглагчаар оролцоно Өнөөдөр Балжиннямтай өдөр Баярын өдрүүдэд өндөржүүлсэн бэлэн байдалд ажиллаж байна Нийтийн тээврээр үнэ төлбөргүй үйлчлүүлээрэй Пёнчан 2018: Өнөөдөр болох тэмцээний хуваарь Сайн малчин, тариаланч, фермерүүд шагналаа гардан авлаа Өөх шатааж, бодисын солилцоог сайжруулдаг хүнснүүд Улаанбаатарт 11 хэм хүйтэн байна Тасалгааны зуун настаар хоолойн өвдөлтийг намдаах арга
Улаанбаатар -27°
Нислэгийн хөдөлгөөн удирдагчид 4 сая төгрөг хандивлав
2017.7.16

20045640_457160614644742_5186606864014506486_o

 

Иргэний нисэхийн ерөнхий газрын Нислэгийн хөдөлгөөний үйлчилгээний албаны ажилтнууд Сэлэнгэ, Төв, Булган аймгийн нутгуудад гарсан түймрийг унтраахаар ажиллаж байгаа Онцгой байдлын ерөнхий газар, түүний харъяа Аврах тусгай тусгай ангийн албан хаагчдад туслах, тэдэнд дутагдалтай багж, хэрэгсэл, хоол, хүнс авахад нь зориулж 4 сая төгрөгийн хандив цуглуулснаа өнөөдөр гардууллаа. Хандивыг Онцгой байдлын ерөнхий газрын харъяа, хурандаа генерал С.Равдангийн нэрэмжит, цэргийн гавъяаны улаан тугийн одонт Аврах тусгай ангийн Захирагч Д.Намсрайд Нислэгийн хөдөлгөөний үйлчилгээний албаны Захиргаа, хүний нөөцийн хэсгийн дарга Г.Эрдэнэтөгс, Монголын нислэгийн удирдагчдын холбооны тэргүүн Ё.Батнасан, Бүсийн ажиглалтын нислэгийн удирдагч Б.Бямбадорж нар гардуулсан юм.

 

Аврах тусгай ангийн алба хаагчид хүн, машин очиход бэрхшээлтэй, түймрийн хамгийн халуун цэгт шүхрээр бууж ажилладаг байна. 60 гаруй шүхэрчтэй Аврах тусгай ангийн 30-аад алба хаагч нь өнөөдрийн байдлаар /2017.07.16/ Сэлэнгэ аймгийн нутагт гарсан ойн хээрийн түймрийн голомтод ажиллаж байгаа аж. Тэдгээрийн зарим нь 1 сар гаруй хугацаанд түймэртэй тэмцэж ажиллаж байгаа бол зарим нь гэртээ ч харилгүй тасралтгүй 27 хоног ажилласан гэдгийг Д.Намсрай захирагч хэллээ. Тиймээс хамтран ажилладаг, эрэн хайх, авран туслах олон улсын сургалтыг хамртан зохион байгуулж ирсэн төрийн байгууллагуудын нэг ИНЕГ-ын бүтцийн нэгж НХҮА-ны хамт олон өөрсдийн санаачлагаар хандив цуглуулж бидний ажилд тусалж байгаад гүнээ талархаж байна. Бид түймрийн голомтод ажиллаж байгаа албан хаагчдад хамгийн түрүүнд юу шаардлагатай байгааг судалж шийдвэрлэхэд мөнгийг зарцуулах болно гэлээ.

 

Онцгой байдлын салбарт удаан ажилласан Д.Намсрай захирагчийн хувьд түймэр гарсны дараа их мөнгө, хөрөнгө зарцуулан, хүн, хүчийн чадлыг барж ажиллах биш, түймрийг бага дээр нь шуурхай унтраах чиглэлээр урдьчилан сэргийлэх үйл ажиллагаанд анхаарч ажиллах хэрэгтэй байгааг энэ үеэр дурдаж байсан. Тухайлбал, онцгой байдлын салбарт ашиглагдаж байгаа бага оврын агаарын 2 хөлгөө ашиглан агаарын тандалт, судалгааг байнга хийж байвал түймрийг мэргэжлийн хүмүүс эрт илрүүлж, тархалт бага дээр нь унтраах боломж бий гэдгийг хэлсэн. Гэвч улс тандалт, судалгаанд зарцуулах шатахууны мөнгө, хөрөнгийг шийдэж өгдөггүйгээс ой, хээрийн түймэр тархсаны дараах арга хэмжээнд төсвийн мөнгө ихээр зарцуулахад хүрч байна гэлээ. Түүнчлэн онцгой байдлын салбарт хувийн хэвшлийн агаарын хөлгийг ашиглах боломжийг бүрдүүлсэн хууль, эрх зүйн орчинг боловсронгуй болгох тал дээр Зам тээврийн хөгжлийн яам, ИНЕГ-ын зүгээс бодлогоор ажиллаж дэмжлэг үзүүлэхийг хүсч байгаагаа хэллээ.

 

Нийслэл хоттой ойр Төв, Сэлэнгэ аймгуудад гарсан түймрийн утааны улмаас олон улсын зарим нислэг саатахад хүрч буй. Тиймээс Нислэгийн хөдөлгөөний үйлчилгээний албаны хамт олон ой, хээрт дэгдсэн түймрийг даруй унтраах, түймрийн голомтод өдөр, шөнөгүй ажиллаж буй онцгой байдлын салбарын албан хаагчдад туслах зорилгоор хандив цуглуулхыг нисэхийн салбарынхандаа мөн уриалж байна.

Эх сурвалж: ИНЕГ

Нислэгийн хөдөлгөөн удирдагчид 4 сая төгрөг хандивлав
Shuud.mn
сонин хачин
2018 оны 2-р сарын 20, Мягмар гараг