Жуд Лоу: Шар хэвлэл гэдэг зүйл амьдралыг баллаж байна Багш нар энэ онд багтаан цалингаа 50 хувь нэмүүлэхийг шаардлаа Агаарын бохирдлыг бууруулах үндэсний чуулган болно НБА: Нээлтийн тоглолт ба гэмтэл бэртэл “Нийслэлийн иргэний дагаж мөрдөх зөв 10 дадал”сургалт болов Журмын нөхөд маань надад албан тушаал ”тулгасан” Марк Овермарс Арсеналтай нэгдэнэ Эдийн засгийн байнгын хороо 2017 оны төсвийн тодотголыг хэлэлцлээ Засгийн газрын өргөтгөсөн хуралдаан болно Сайд нарын томилгоог хэлэлцэж эхэллээ Дотуур байрны оюутнуудыг эерэг хандлагад уриална “Таван сая доллар босгосон анхны технологийн компани” Орон сууцны борлуулалт өсчээ Сөрөг хүчнээ бүү бас, эрх баригчид аа Я.Санжмятав ОУПХ-ны Ассамблейн 137 дугаар чуулганд үг хэллээ Трансжендер тамирчны асуудал Шинэ Засгийн газарт шаардлага хүргүүлнэ Дэд хурандаа Ш.Баасандоржийг ОБГ-ын даргаар томиллоо Засгийн газрын гишүүдийн томилгоог хэлэлцэнэ Энтони Жошуагийн өрсөлдөгч солигдов
Улаанбаатар
Б.Бүрнээ: Би З.Санждорж хамбыг зодоогүй, нүдээ өөрөө л цохисон байх
2017.8.8

Их Хүрээ хийдийн хамба лам З.Санждоржийг Гандантэгчэнлин хийдийн хамба ламын нарийн бичиг Б.Бүрнээ зодсон гэх мэдээлэл эдүгээ нийгэмд газар аваад буй. Тэгвэл Б.Бүрнээ лам өөрөө уг мэдээллийг үгүйсгэж байна.

 

Тэрбээр “Би огт зодоогүй. Янз янзын худлаа мэдээлэлд булуулаад, гайхаад л сууж байна. Тэр өдөр хөтөлбөр авъя гээд ирэхэд нь интернэтэд байгаа гэж хэлсэн. Гэтэл орилж чарлаад дөвчигнөөд эхэлсэн шүү дээ. Тэгэхээр нь би цагдаа дуудсан. Өөрөө л дөвчигнөж байгаад барьж явсан зоонтогныхоо ишээр нүүрээ урсан. Сүүлд нүд нь хөхөрчихсөн байсан. Магадгүй өөрөө цохисон байх. Тэр яриад байгаа шиг малгай, хөөрөг, цүнхээ өөрөө л шидсэн. Бичлэг нь байгаа. Би энэ талаар цагдаагийн байгууллагад очиж мэдүүлэг өгсөн”  гэлээ.

 

 

Их хүрээ хийдийн хамба лам З.Санждорж ч гэсэн өчигдөр хэвлэлийн хурал хурал зарлаж, зодуулсан гэх хэргийнхээ талаар мэдээлэл өгсөн байдаг. Хамба лам З.Санждорж “Өнгөрсөн долоо хоногийн баасан гаригт болсон. Маргааш Даншиг наадам болох гээд байдаг хөтөлбөр ирдэггүй. Дөнгөж гандангийн хаалгаар ороод Да лам н.Бямбажав дээр ороод “Сайн байна уу, Даншиг болох гэж байна. Яагаад хөтөлбөр өгөхгүй байгаа юм бэ. Ерөнхий хөтөлбөрийг нь интернетээс уншлаа. Лам нарт зориулсан хөтөлбөрийг авъя” гэтэл “Та нарт өгөхгүй. Танай хийдэд ийм боломж байхгүй. Тэр Б.Бүрнээтэйгээ уулз” гэсэн. Тэгэхээр нь “Б.Бүрнээ бид хоёр уулзвал зөрчилдөнө, уулзмааргүй байна” гэдгээ хэлсэн. Гадаа гарсан чинь манай хорооны /30 дугаар хороо/ цагдаа н.Очирбатад наадмын хөтөлбөр гээд өнгөтөөр хэвлэсэн цаас өгсөн. Тэгэхээр нь би нөгөөдөхийг нь цуг уншилцаад зогсож байтал гаднаас гэнэтхэн Б.Бүрнээ лам орж ирээд “тас” гээд л явчихсан. Миний хөөргийг авч шидсэн, орхимжийг хумиж аваад шидсэн, малгайг минь хог шиг шидсэн. Ийм л юм болсон. Бүх зүйл камерт бичигдсэн байгаа. Шүүх цагдаагийн байгууллага үнэнийг тогтоох байх” гэсэн юм.  Хамба лам З.Санждоржийн тухайд өмнө нь Далай ламын айлчлалыг эсэргүүцэж байсан удаатай.

 

Эх сурвалж: mminfo.mn

Б.Бүрнээ: Би З.Санждорж хамбыг зодоогүй, нүдээ өөрөө л цохисон байх
Shuud.mn
сонин хачин
2017 оны 10-р сарын 18, Лхагва гараг