МАН-ын XXVIII их хурал өндөрлөж байна АТГ-ын ажлын хэсэг Төв аймагт ажиллаж байна УИХ-ын гишүүн О.Баасанхүү АТГ-т хандлаа Г.Занданшатар БНСУ-ын Элчин сайдыг хүлээн авч уулзав НҮБ-ын Хөгжлийн хөтөлбөрийн суурин төлөөлөгчтэй уулзлаа 850 сурагч “Иргэний андгай” өргөнө Тусгай хамгаалалттай газарт 60 мотоцикл өгнө Вьетнам Улсын Элчин сайдыг хүлээн авч уулзлаа Нас барсан цэргийн дотор эрхтнүүд алга болсон байжээ Өглөө, орой явах автобусны тоог нэмлээ З.Энхболд: “Цагаан захтнуудын” хэргийн илрүүлэлт хангалтгүй байна Нийслэлийн Засаг даргын зөвлөл хуралдаж байна Насанд хүрээгүй, жирэмсэн эмэгтэйн биеийг үнэлүүлж байжээ Роберт Дауни: Нас ахисан хойноо баатрын дүр бүтээх амаргүй юм ”Дэлхийн Зөн”-гийн төслүүдэд 1100 өрх, 4000 гаруй хүүхдүүд хамрагдана Боловсролын салбарынхныг шагналаа Сүрьеэгээс сэргийлэхэд шийдвэр гаргагчдын оролцоог нэмье Амиа алдсан сэтгүүлчийн гэр бүл байцаагчаа солихыг хүсчээ Тусгай хяналтын дэд хорооны бүрэлдэхүүнийг батлав Женнифер Лауронс ганц бие болжээ
Улаанбаатар -23°
Заамарын иргэд газар шорооныхоо төлөө тэмцэхээ илэрхийллээ
2017.9.13

       Гэрэл зургийг MPA.MN

 

 “Алт-2” хөтөлбөрийн хүрээнд Төв аймгийн Заамар сумын Төмстий багийн нутаг “Түмэнгийн төрөлж” хэмээх газар 15541.08 га газарт ашигт малтмалын хайгуул хийх тусгай зөшөөрлийг Засгийн газар “Эрдэнэсийн эрэг” хэмээх уул уурхайн сургалт явуулдаг компанид олгосон байна.

 

Үүнтэй холбогдуулан тус багийн ажлын хэсгийн төлөөлөгчид болон Заамар сумын малчид, ард иргэд өнөөдөр хэвлэлийн хурал хийж нутгийнхаа газар шорооны төлөө эцсийг нь хүртэл тэмцэхээ мэдэгдлээ.

 

Уг хайгуулын тусгай зөвшөөрлийг тус сумын дөрвөн багийн 800 гаруй малчин эсэргүүцэж “Тосон заамар Алт-2 хөтөлбөрийн золиос болох ёсгүй” хэмээн энэ сарын 7-нд нутагтаа  жагссан юм. Түүнээс өмнө буюу дөрөвдүгээр сард Төмстий багийн Иргэдийн нийтийн хурлаас 11 хүний бүрэлдэхүүнтэй ажлын хэсэг байгуулж төрийн өндөрлөгүүд, УИХ-ын гишүүд, нутгийн зөвлөлдөө хандан эсэргүүцлээ илэрхийлсэн. Гэвч энэ бүхэн үр дүнд хүрэхгүй байгаад нутгийн иргэд бухимдаж байна.

 

ИТХ-ын дарга Ш.Галтбадрах “Монгол Улсын Засгийн газар Алт хөтөлбөр баталсантай холбогдуулж энэ  оны гуравдугаар сард “Заамар суманд шинээр хайгуулын лиценз олгохыг дэмжих эсэх саналаа ирүүлнэ үү” гэсэн албан тоот ирсэн. Үүнтэй холбогдуулж Заамар сумын Төмстий баг хуралдаж энэ саналыг дэмжих боломжгүй гэсэн шийдвэр гаргасан. Мөн энэ асуудлыг сумын иргэдийн төлөөлөгчдийн хурлаар хэлэлцүүлж шинээр лиценз олгохгүй гэсэн шийдвэр гаргасан. Заамар сумын өнөөгийн бодит байдал хойд хэсгээрээ уул уурхайн бүс, зүүн талаараа газар тариалангийн бүс, дунд хэсгээрээ уулархаг бүс, зөвхөн өвөр тал нь л малчдын бэлчээр болж байгаа. Малчид маань ингэж шахагдаж амьдарч байна. Заамар сум 260.000 гаруй малтай, 700-аад малчин өрхтэй. Тиймээс өвөр талд лиценз олгохыг бид эсэргүүцэж байна. Тууштай тэмцэх болно” гэв.

 

“Алт-2” хөтөлбөрийн хүрээнд олгож буй талбайд малчдын өвөлжөө, хаваржаа, түүхийн дурсгалт газар байдаг гэнэ. Мөн малчдын төвлөрөн байршиж буй өвөр талын бэлчээрийн даац одоогоор дөрөв дахин хэтрсэн бөгөөд тэр газар нь хайгуул хийж, улмаар уур уурхайн үйл ажиллагаа явуулахыг эсэргүүцэж байна.

 

Р.Дулам

 

Заамарын иргэд газар шорооныхоо төлөө тэмцэхээ илэрхийллээ
Shuud.mn
сонин хачин
2017 оны 11-р сарын 24, Баасан гараг