Таны машины дугаар 1, 6-аар төгссөн бол татвараа энэ сард төлнө О.Баасанхүү гишүүн хэвлэлийн хурал зарлалаа Реппер Фредо Сантана нас баржээ Халз барилдаанд улсын харцага О.Хангай түрүүллээ Ким Чен Уны охидын хамтлагын ахлагч өмнөдөд “Од” болов ФОТО: Г.Мандахнаран, Д.Төмөрхүлэг нарын уран барилдаан Террористууд зочид буудал барьцаалж, 14 хүнийг хөнөөжээ Шашны фестивалын үеэр үймээн дэгдэж, таван хүн амиа алджээ НӨАТ: 100 сая төгрөгийн азтан тодорлоо 
 Хатгалгааны үед ямар шинжүүд илэрдэг вэ Худалдаа эрхлэгчид НӨАТ-ын асуудлаар мэдээлэл хийнэ Ройтерс: Эрдэнэтийн асуудал хөрөнгө оруулагчдын анхаарлын төвд байна Мөнгөн хадгаламжийн даатгалын хуулийг хэлэлцэнэ Х.Баттулга: Миний ярих сэдэв бол эдийн засгаа тэлэх асуудал Өтгөн яагаад хатдаг вэ, түүнээс хэрхэн сэргийлэх вэ Улаанбаатарт 27 хэм хүйтэн байна Ерөнхий сайд “Тогтвортой хөгжил-Ерөнхий боловсрол” зөвлөгөөнд оролцоно Газрыг улсын тусгай хэрэгцээнд авах төслийг хэлэлцэнэ АНУ-ын Төрийн департментын туслахыг хүлээн авч уулзлаа Алессандра Амбросио: Мөрөөдөл, карьерээ одоохондоо орхиж чадахгүйн
Улаанбаатар -37°
Элчин сайд Ахмет Язалыг хүлээн авч уулзлаа
2017.9.13

Монгол Улсын Их Хурлын дарга М.Энхболд Бүгд Найрамдах Турк Улсаас Монгол Улсад суугаа Онц бөгөөд Бүрэн эрхт Элчин сайд Ахмет Язалыг хүлээн авч уулзлаа.

 

Уулзалтын үеэр хоёр орны харилцаа, хамтын ажиллагааг гүнзгийрүүлэн хөгжүүлэх, тулгамдсан асуудлуудыг хойшлуулалгүй шийдвэрлэх талаар хөндөж ярилцав.

 

УИХ-ын дарга М.Энхболд парламент хоорондын хамтын ажиллагаа сайн хөгжиж байгааг тэмдэглээд, хамтран ажиллах хууль эрх зүйн орчныг сайжруулах нь харилцаа олон талтай, үр ашигтай байх гол хөшүүрэг юм гэж онцоллоо.

 

Элчин сайд А.Язал Туркт үүссэн улс төрийн нөхцөл байдлаас болоод сүүлийн 2 жилд өндөр, дээд хэмжээний айлчлал хийгдсэнгүй. Худалдаа, эдийн засгийн хамтын ажиллагаа ч боломж нөөцөө бүрэн ашиглаж чадахгүй байна. Тиймээс улс төрийн харилцааг идэвхжүүлэх, Туркийн хөрөнгө оруулагчдыг урьж ирүүлж, Монголын бизнесийн орчинтой танилцуулах талаар Элчин сайдын зүгээс онцгой анхаарч ажиллах болно гэлээ.

 

Энэ үеэр Туркийн Засгийн газраас амласан 300 сая ам.долларын хөнгөлөлттэй зээл, Монгол дахь турк сургуулиуд, тэнд суралцагчдын асуудал, “Туркиш Эйрлайнз” компанийн нислэгийн давтамж, багтаамжийг нэмэгдүүлэх, аялал жуулчлалын салбарт хамтран ажиллах зэрэг асуудал хөндөгдөв.

 

Элчин сайд А.Язал Монголын талаас Засгийн газрын баталгаа гаргах нь чухал байгаа юм. Ийм баталгаа гаргасан тохиолдолд зээлийн хугацаа, хүү зэрэг асуудлыг тохиролцох боломжтой гэв.

 

Турк сургууль төгсөгчдийн боловсролын гэрчилгээг хүлээн зөвшөөрөх нөхцөлийг бүрдүүлэх, сурагчид, эцэг эхчүүдийн эрх ашгийг эн тэргүүнд бодолцож, тэднийг хохироохгүй байхад онцгой анхаарах нь чухал байна гэсэн УИХ-ын дарга М.Энхболдын байр суурийг дэмжиж байгаагаа Элчин сайд А.Язал илэрхийллээ.  

 

“Туркиш Эйрлайнз” компанийн нислэгийн асуудлаар хоёр талын холбогдох яамны хүмүүс ойрын үед уулзаж ярилцах юм байна. Тэр үеэр нэгдсэн шийдэлд хүрнэ гэдэгт найдаж байна. Аялал жуулчлал бол манай хоёр орны хооронд хөгжүүлж болох ирээдүйтэй салбарын нэг. Орхоны хөндийд аялал жуулчлалын цогцолбор байгуулах танай талын саналыг дэмжиж байна” гэж УИХ-ын дарга М.Энхболд хэлэв гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.         

Элчин сайд Ахмет Язалыг хүлээн авч уулзлаа
Shuud.mn
сонин хачин
2018 оны 1-р сарын 22, Даваа гараг