“Оддын академи”-ын ялагчийг 100 сая төгрөгөөр шагнана Энэ онд гадаадын 30 иргэнийг албадан саатуулжээ О.Пүрэвбаатарын нэрэмжит тэмцээн болно Маркус Рэшфорд талбайд гарахад бэлэн Фэйсвүүкээр танилцан, бусдыг дээрэмддэг бүлгийг илрүүллээ Зепп Блаттер В.Путины урилгыг хүлээн авчээ Нойтон цас орж, сэрүүснэ УИХ-ын дэд даргаар Л.Энх-Амгаланг сонголоо Л.Энх-Амгаланг УИХ-ын дэд даргаар сонгохыг дэмжлээ “Эрдэм” асрамжийн төвд 18 сая төгрөг хандивлалаа ХНХ-ын сайд С.Чинзориг тамгаа гардаж авлаа Хөгжлийн харандаа экспод урьж байна Хөөрхөн ГАРЦ Эрчим хүчний салбарын өвлийн бэлтгэл 94 хувьтай байна Дипломат паспортыг энгийн иргэнд олгосон зөрчлийг АТГ онцлов Л.Энх-Амгаланг УИХ-ын дэд даргаар дэвшүүлжээ У.Хүрэлсүх: Төрийн албаны сахилга, дэг журам, хариуцлагыг сайжруулна Цэрэг татлага эхэллээ Ж.Энхбаяр нар УИХ-ын дэд даргад өрсөлдөж байна Ц.Цогзолмаа: Академич Г.Чулуунбаатартай хамтран ажиллана
Улаанбаатар -5°
Анхны рафтингийн шигшээ эх орондоо иржээ
2017.10.12

 

Монголын рафтингын анхны шигшээ баг  эх орондоо ирлээ. Япон улсын Миоши хотноо Ёшино голд зохиогдсон 22 дахь удаагийн ДАШТ-нд оролцсон рафтингын спортын анхны шигшээ баг маань 22 орны 71 багийн 500 гаруй тамирчид оролцсон тус тэмцээнээс туршлага хуримтлуулаад эргэн ирж байгаа нь энэ юм. Эрэгтэйчүүдийн нээлттэй тэмцээнд оролцсон манай баг тамирчид нийт 330 оноотойгоор 17 дугаар байранд оржээ.

 

Уг тэмцээнд эх орноо төлөөлж Монголын Рафтингын Холбооны тэргүүн П.Алтангэрэл тэргүүтэй 10 тамирчин оролцсон. Манай улсын анхны шигшээ багт холбооны нарийн бичиг Ундрахжаргал, холбооны гишүүн Сумъяабазар, багийн ахлагч Банзрагч, Түвшинжаргал, Батзориг, Баасанжав, Зинамэдэр, Төрболд, Марк нар багтан явсан. Хэдийгээр бэлтгэл сайн хангасан боловч анх удаагаа өндөр зэрэглэлийн тэмцээнд оролцож байгаа учраас туршлага дутсан талаар албаны хүмүүс мэдэгдэж байна.

 

Манай улсад шинэ тутам хөгжиж буй усны эрсдэлт спортын төрөл болох рафтингаар эх орноо төлөөлсөн анхны шигшээ багийг Аргентин улсад зохиогдох ДАШТ хуваарийн дагуу хүлээж байгаа юм.

 

ДАШТ-ий эрэгтэй нээлттэй төрөлд Бразилын баг, эмэгтэй нээлттэй төрөлд Япон, эрэгтэй залуучууд төрөлд Турк, эмэгтэй залуучууд төрөлд ОХУ, өсвөрийн эрэгтэйд ОХУ, өсвөрийн эмэгтэй төрөлд Чех, мастеруудын ангилалд эрэгтэйд Япон, эмэгтэйд Шинэ Зеландын шигшээ багууд тус тус түрүүлжээ.

 

Дараагийн ДАШТ Аргетин улсад 10, 11 сарын аль нэгэнд зохиогдоно. Тэмцээний нарийн товыг одоохондоо гаргаагүй байгаа гэжээ.

 

Б.Энх-Амгалан

 

 

Анхны рафтингийн шигшээ эх орондоо иржээ
Shuud.mn
сонин хачин
2017 оны 10-р сарын 22, Ням гараг