Ерөнхий сайд “Тогтвортой хөгжил-Ерөнхий боловсрол” зөвлөгөөнд оролцоно Газрыг улсын тусгай хэрэгцээнд авах төслийг хэлэлцэнэ АНУ-ын Төрийн департментын туслахыг хүлээн авч уулзлаа Алессандра Амбросио: Мөрөөдөл, карьерээ одоохондоо орхиж чадахгүйн Эд Ширан сүй тавьжээ Хоёр Солонгосын хамтарсан хоккейн баг олимпт орно Турк, Сирид цохилт өгч эхэллээ Монгол, Оросын уламжлалт найрсаг харилцаа өргөжин хөгжихийн ерөөл дэвшүүлье Монгол Улс дундаж орлоготой орны эгнээнд шилжих зорилт дэвшүүлсэн Ерөнхийлөгчийг манлайлан ажиллахыг хүслээ Улаанбаатарт 26 хэм хүйтэн байна Үс засуулбал бие эрхтэний хүч сайжирна Утаанаас дүрвэх бус тэмцэх хэрэгтэй, хотын дарга аа Цас орж, цасан шуурга шуурахыг анхааруулж байна Чили-Монголын парламентын бүлэг байгуулагдана Зэвсэгт хүчний Ерөнхий командлагч Х.Баттулга генералуудтай уулзлаа Улаанбаатарт 19 хэм хүйтэн байна Улаан Үдийн сургуульд сүхээр зэвсэглэсэн этгээд халджээ О.Баасанхүү гишүүний халдашгүй байдалд халдсан уу Ө.Энхтүвшин: 14 аймгийн 110 сум өвөлжилт хүндэрсэн
Улаанбаатар -32°
Ашигт малтмалын тухай хуульд нэмэлт, өөрчлөлтийг хэлэлцлээ
2017.11.8

Улсын Их Хурлын Эдийн засгийн байнгын хорооны өнөөдрийн (2017.11.08) хуралдаан 57.9 хувийн ирцтэйгээр 09 цаг 58 минутад эхэлж, Монгол Улсын 2018 оны төсвийн тухай, Нийгмийн даатгалын сангийн 2018 оны төсвийн тухай, Эрүүл мэндийн даатгалын сангийн 2018 оны төсвийн тухай хуулийн төслүүдтэй хамт өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг үргэлжлүүлэв.

 

 

Өчигдрийн хуралдаанаар УИХ-ын гишүүдээс бичгээр ирүүлсэн зарчмын зөрүүтэй саналын томъёоллуудаар санал хураалт явуулахаар шийдвэрлэсэн ч ажлын хэсэг хэлэлцэж буй асуудалтай холбогдуулан дахин хуралдах шаардлагатай гэсэн тул Байнгын хорооны хуралдааныг хойшлуулсан юм. Ийнхүү өнөөдрийн хуралдаанаар Ашигт малтмалын тухай хуульд нэмэлт, өөрчлөлт оруулах тухай хуулийн төслийн талаархи зарчмын зөрүүтэй саналын томъёоллуудаар санал хураав. Саналуудыг УИХ-ын гишүүн Д.Дамба-Очир, Д.Сумъяабазар нар бичгээр ирүүлсэн болно. Тухайлбал, төслийн 3 дугаар зүйлийн 2/17.4 дэх хэсгийн “сонгон шалгаруулалтад оролцох тухай хүсэлтийг хүлээн авах хугацааг өдөр тутмын сониноор нийтэд зарлана.” гэснийг “сонгон шалгаруулалтын урилгыг үндэсний хэмжээний өдөр тутмын сонин, хэвлэл мэдээллийн бусад хэрэгслээр нийтэд зарлан мэдээлнэ.” гэж өөрчлөх; Төслийн 3 дугаар зүйлийн 3 дахь хэсгийн 18.1.4 дэх заалтын “хайгуулын үйл ажиллагаа явуулах” гэснийг хасах; Төслийн 3 дугаар зүйлийн 4 дэх хэсгийн 20.3 дахь хэсгийн “тухай болон” гэснийг “бол сонгон шалгаруулалтын үнийн санал, босго үнийн зөрүү,” гэж, “бичгээр мэдэгдэнэ” гэснийг “хүргүүлнэ” гэж тус тус өөрчлөх гэсэн саналууд ирүүлжээ.

 

 

Ашигт малтмалын тухай хуульд нэмэлт, өөрчлөлт оруулах тухай хуулийн төслийн талаархи зарчмын зөрүүтэй саналын томъёоллуудаар тус бүр санал хураахад хуралдаанд оролцсон гишүүдийн олонхийн дэмжлэг авлаа. Байнгын хорооны санал, дүгнэлтийг УИХ-ын гишүүн Б.Баттөмөр Төсвийн байнгын хороонд танилцуулахаар тогтлоо гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв. 

Ашигт малтмалын тухай хуульд нэмэлт, өөрчлөлтийг хэлэлцлээ
Shuud.mn
сонин хачин
2018 оны 1-р сарын 21, Ням гараг