Унгарын төлөөлөгчдийг хүлээн авч уулзлаа Уимблдоны аварга теннисчин амьсгал хураалаа МАН-ын даргыг сонгох санал хураалт явагдаж байна Шойгу сайдын туслах олны харцыг булаав “Victoria’s Secret”-ийн тайзан дээр унасан модель уучлалт хүсэв Сайхан хотын төлөө сайн бизнесийг дэмжинэ Ц.Цогзолмаа БНСУ-ын Хөдөлмөрийн сайдтай уулзлаа Г.Майцэцэгийн гомдол Сүрьеэгээр өвчилсөн 4000 хүн шинээр оношлогдож байна Ч.Ганжавхланд ХЭҮК-ын дарга зөвлөхийн ажил санал болгов Хятадын хамгийн алдартай хуульч ял сонслоо МАН: Ж.Мөнхбат нэрээ татлаа МАН: У.Хүрэлсүх, Ж.Мөнхбат, Д.Хаянхярваа нар нэр дэвшлээ Премьер лигийн баг тав дахь дасгалжуулагчаа халлаа Хорьдол Сарьдагийн 10 жилийн хувьслыг харуулна Хүнд жингийн аварга асан Хэй гэмтлээ Хүүхдүүдийн IQ муудсан нь усны савтай холбоотой Ж.Энхбаяр: У.Хүрэлсүхэд улс төрийн эрх мэдэл өгөх ёстой Каприо шинэхэн дурлалтайгаа учирчээ Хөгжлийн бэрхшээлтэй эмэгтэйчүүдийн нөхөн үржихүйн эрхийг судална
Улаанбаатар -12°
Засгийн газраас чанарын дэд бүтцийг олон улсын жишигт нийцүүлэн хөгжүүлнэ
2017.11.10

 

Монголын Үндэсний Худалдаа Аж үйлдвэрийн танхимд “Үндэсний чанарын чуулган-2017”болж байна. Чуулганы ажиллагаанд амжилт хүсч Монгол Улсын Шадар сайд Ө.Энхтүвшин мэндчилгээ дэвшүүллээ. Мэндчилгээнд,

 

Стандарт, хэмжилзүй, тохирлын үнэлгээний салбарын хамт олон, үе үеийн ахмадууд, чанарыг эрхэмлэгч байгууллага, аж ахуйн нэгжүүд Та бүхэнд “Дэлхийн чанарын өдөр”-ийг тохиолдуулан Засгийн газрын нэрийн өмнөөс болон хувиасаа мэндчилгээ дэвшүүлж байна.

 

Анх 1989 онд Нэгдсэн үндэстний байгууллагын дэмжлэгээр Европын чанарын байгууллага тэргүүтэй олон улсын байгууллагуудын санаачлагаар дэлхий нийтээрээ “Дэлхийн чанарын өдөр”-ийг тэмдэглэж эхэлсэн түүхтэй.

 

Бүтээгдэхүүн, үйлчилгээний чанарыг нэмэгдүүлэх, энэ чиглэлээрх үйл ажиллагааг идэвхжүүлэх, чанарын асуудалд бүх нийтийн анхаарлыг хандуулахад  энэ Дэлхийн чанарын өдрийн зорилго нь оршдог юм.

 

Бүтээгдэхүүн, ажил үйлчилгээний чанарын асуудал нь Монгол Улсын үе үеийн Засгийн Газрын үйл ажиллагааны мөрийн хөтөлбөрийн салшгүй хэсэг болж ирсэн бөгөөд бид энэхүү төрийн бодлогын баримт бичгийн хэрэгжилтийг ханган ажиллахад анхаарч ирлээ.

 

Тухайлбал, үндэсний хэмжээнд үйлдвэрлэлийг хөгжүүлж бүтээгдэхүүн, ажил, үйлчилгээний чанар, өрсөлдөх чадварыг дээшлүүлэх, экспортын чадавхийг нэмэгдүүлэх, чанарын удирдлагын болон байгаль орчны удирдлагын тогтолцоонуудыг нэвтрүүлэх ажлыг эрчимжүүлэхийн тулд Монгол Улсын засгийн газар “Чанарын болон байгаль орчны менежмент”-ийг дэмжих үндэсний хөтөлбөрийг 2002 онд баталж, улмаар Дэлхийн чанарын өдөр, Үндэсний чанарын долоо хоногийг тэмдэглэдэг болсон юм.

 

Ингэхдээ бид чанарт чиглэсэн  олон талт арга хэмжээнүүдийг зохион байгуулдаг бөгөөд тэдгээрийн нэг нь энэхүү “Үндэсний чанарын чуулган” юм.

 

Монгол Улсын Засгийн газраас чанарын дэд бүтцийг олон улсын жишигт нийцүүлэн хөгжүүлж, эрх зүйн орчныг нь боловсронгуй болгохыг анхаарч байгаа.

 

Тиймээс, экспортын чиг баримжаатай, импортыг орлох бүтээгдэхүүний үйлдвэрлэлийг дэмжиж, үндэсний үйлдвэрлэлийн бүтээгдэхүүн, үйлчилгээний өрсөлдөх чадварыг нэмэгдүүлэх; хүний эрүүл мэнд, амь нас, хүрээлэн буй орчны аюулгүй байдлыг хамгаалах замаар иргэдийн амьдралын чанарыг дээшлүүлэх зорилготой “Үндэсний чанарын хөтөлбөр”-ийг 2016 онд баталснаа эргэн санахад таатай байна.  

 

Дэлхийн олон улс оронд Дэлхийн чанарын өдрийг тухайн жилд баримтлах бодлого, зарчмаа удирдлага болгон тодорхой уриан дор тэмдэглэдэг уламжлал тогтсон байна. 

 

Энэжил “Өдөр бүр манлайллыг дэмжье” уриаг дэвшүүлж байгаа нь дэлхийн бүх шатны чанарын мэргэжилтнүүд зорилгоо тодорхой болгох, зөв ажил хийх, ажлын үр дүнг бодитой үнэлэх, үйл ажиллагаагаа тасралтгүй сайжруулахыг анхааруулсан  байна гэж ойлгож байна.

 

11 дүгээр сарын 10-ны энэ өдрийн “ҮНДЭСНИЙ ЧАНАРЫН ЧУУЛГАН-2017” арга хэмжээний ерөнхий зохион байгуулагчаар Стандарт, хэмжил зүйн газар, Монголын үндэсний худалдаа аж үйлдвэрийн танхим, дэмжигч байгууллагаар Харилцаа холбооны зохицуулах хороо, Барилгын хөгжлийн төв, Эс эф си эс ХХК зэрэг байгууллага хамт олон түүчээлэн хамтран ажиллаж байгаад гүнээ талархаж байгаагаа илэрхийлье.

 

Үндэсний чанарын чуулганд хүрэлцэн ирсэн чанарыг эрхэмлэгч байгууллагуудын төлөөлөл, салбарын хамт олон Та бүхний ажилд болон чуулганы үйл ажиллагаанд амжилт хүсье гэжээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Засгийн газраас чанарын дэд бүтцийг олон улсын жишигт нийцүүлэн хөгжүүлнэ
Shuud.mn
сонин хачин
2017 оны 11-р сарын 21, Мягмар гараг