Унгарын төлөөлөгчдийг хүлээн авч уулзлаа Уимблдоны аварга теннисчин амьсгал хураалаа МАН-ын даргыг сонгох санал хураалт явагдаж байна Шойгу сайдын туслах олны харцыг булаав “Victoria’s Secret”-ийн тайзан дээр унасан модель уучлалт хүсэв Сайхан хотын төлөө сайн бизнесийг дэмжинэ Ц.Цогзолмаа БНСУ-ын Хөдөлмөрийн сайдтай уулзлаа Г.Майцэцэгийн гомдол Сүрьеэгээр өвчилсөн 4000 хүн шинээр оношлогдож байна Ч.Ганжавхланд ХЭҮК-ын дарга зөвлөхийн ажил санал болгов Хятадын хамгийн алдартай хуульч ял сонслоо МАН: Ж.Мөнхбат нэрээ татлаа МАН: У.Хүрэлсүх, Ж.Мөнхбат, Д.Хаянхярваа нар нэр дэвшлээ Премьер лигийн баг тав дахь дасгалжуулагчаа халлаа Хорьдол Сарьдагийн 10 жилийн хувьслыг харуулна Хүнд жингийн аварга асан Хэй гэмтлээ Хүүхдүүдийн IQ муудсан нь усны савтай холбоотой Ж.Энхбаяр: У.Хүрэлсүхэд улс төрийн эрх мэдэл өгөх ёстой Каприо шинэхэн дурлалтайгаа учирчээ Хөгжлийн бэрхшээлтэй эмэгтэйчүүдийн нөхөн үржихүйн эрхийг судална
Улаанбаатар -12°
Түүхий нүүрсний хэрэглээг хориглох боломжгүй
2017.11.10

УИХ-ын чуулганы нэгдсэн хуралдаанаар нийслэлийн агаарын бохирдлыг бууруулах талаар С.Эрдэнэ гишүүний тавьсан асуулгад Засгийн газар хариулж байна. БОАЖ-ын сайд Н.Цэрэнбат мэдээлэл хийсний дараа гишүүд асуулт тавьж байна.


УИХ-ын гишүүн Д.Эрдэнэбат:


-Английн аргаар явах хэрэгтэй. Зуухны хэрэглээг болиулах хэрэгтэй. Эхний удаад Улаанбаатарын А, Б хэсэгт янданг хориглох хэрэгтэй. Яндангүй болсон айлуудад эрчим хүчний хэрэглээг хөнгөлөх хэрэгтэй. Улаанбаатар хотын иргэд татвартай байх хэрэгтэй. 


Ерөнхий сайд У.Хүрэлсүх:


-Улаанбаатар хотын хамгийн хүндрэлтэй утааны асуудлыг хатуу хууль гаргаад хоригловол сөрөг үр дагавар магадлалтай. Утааны бүсэд байгаа айлуудын янданг хориглох нь асуудалтай. Улаанбаатар хотын утааг бууруулах хамгийн үр дүнтэй асуудал бол оронсууцжуулах, газ хэрэглэх. Гэр хорооллын цахилгаан шугам сүлжээний үнийг хөнгөлөх, зураг төсөл нь гарсан уурын зуухыг барих талаар төсөв нь шийдэгдсэн. Агаарын бохирдлын санг байгуулах асуудлаар хуулийн төсөл өргөн барихад бэлэн болсон. Агаарын бохирдлын төлбөрийг энэ сан руу оруулах хэрэгтэй. Дээр нь 20 орчим мянган айлыг 4 кВт-ын халаал тавих боломж нөхцөлийг судалж байна. 


Нийслэлийн Засаг дарга бөгөөд Улаанбаатар хотын захирагч С.Батболд:


-Янданг хориглох хууль гаргавал хот дэмжинэ. Шилжилт хөдөлгөөний тухайд Дархан, Эрдэнэт хоёр хотдоо явуулах талаар яригдаж байгаа. Нийслэлийн эрхзүйн байдлын тухай хуулийг өргөн барьсан. Энэ хуулиар нийслэлийн татварыг тусгасан байгаа. 


УИХ-ын гишүүн Л.Энх-Амгалан:


-Улаанбаатар хотын агаарын бохирдлын 80 хувь нь гэр хорооллын айл өрхийн зуухнаас үүсч байна гэж байгаа. Хөрсний бохирдлын 80 хувийг дахиад гэр хорооллоос үүдэлтэй гэж байна. Өмнө нь орон сууцны зээл авсан 100 мянган иргэд банкны түрээсийн орон сууцанд байна. Цогц байдлаар нь харах ёстой. Зуух тараалаа, түлш солилоо болсонгүй. 


Ерөнхий сайд У.Хүрэлсүх:


-Агаарын бохирдлыг 80 орчим хувиар бууруулах зорилт тавьсан. Бодит байдал дээр 80 орчим хувиар бууруулах боломж байхгүй. Агаарын бохирдлыг бууруулах санд төлбөрийг шилжүүлэх хэрэгтэй. Цогцоор нь авч үзэх арга хэмжээ. Дараа дараагийн Засгийн газар ч агаарын бохирдолтой тэмцэхэд хөрөнгө санхүүгийн асуудал тулгамдаж байна. 100 мянган өрх галлагаатай зууханд амьдарч байна. Улаанбаатар хотыг барилгажуулах ажлыг үргэлжлүүлэх хэрэгтэй. Засгийн газар агаарын бохирдлыг бууруулах чиглэлээр тодорхой төсөв оруулах хэрэгтэй. Гэвч хэлэлцүүлгийн явцад төсөв хасагддаг. Гэр хорооллыг аль болох цөөлөх, цогцоор нь шийдэх хэрэгтэй юм. 

 

УИХ-ын гишүүн Д.Оюунхорол:


-Улаанбаатар хотын нүүрсний хэрэглээг хориглох хэрэгтэй. Цаашдаа ч нүүрсний хэрэглээ эрчим хүчнээс хасагдах байх. Сэргээгдэх эрчим хүчийг дэлхий нийт сонгож байгаа. Сайжруулах түлшийг хэрэглээнд түлхүү нэвтрүүлэх хэрэгтэй байна. Төвлөрлийг сааруулах хэрэгтэй. 


Ерөнхий сайд У.Хүрэлсүх:


-Улаанбаатар хотын түүхий нүүрсний хэрэглээг хориглох боломж байхгүй, харин бууруулах чиглэлд ажиллана. Зарим айлууд нүүрсээ ч түлж чадахгүй, хог шатааж  амьдарч байгаа. Бололцоотой айлууд нь багануур, налайхын нүүрс төлж байгаа. Улаанбаатар хотод өдөртөө 1.5 сая иргэн амьдарч, орж гарч байгаа. Төвлөрлийг сааруулах хэрэгтэй гэдэгт санал нэг байна. Харамсалтай нь санхүүгийн асуудал дээр тулгамдаж байна. 

 

Чуулганы хуралдаан үргэлжилж байна. 

Н.Энх

 

Түүхий нүүрсний хэрэглээг хориглох боломжгүй
Shuud.mn
сонин хачин
2017 оны 11-р сарын 21, Мягмар гараг