Унгарын төлөөлөгчдийг хүлээн авч уулзлаа Уимблдоны аварга теннисчин амьсгал хураалаа МАН-ын даргыг сонгох санал хураалт явагдаж байна Шойгу сайдын туслах олны харцыг булаав “Victoria’s Secret”-ийн тайзан дээр унасан модель уучлалт хүсэв Сайхан хотын төлөө сайн бизнесийг дэмжинэ Ц.Цогзолмаа БНСУ-ын Хөдөлмөрийн сайдтай уулзлаа Г.Майцэцэгийн гомдол Сүрьеэгээр өвчилсөн 4000 хүн шинээр оношлогдож байна Ч.Ганжавхланд ХЭҮК-ын дарга зөвлөхийн ажил санал болгов Хятадын хамгийн алдартай хуульч ял сонслоо МАН: Ж.Мөнхбат нэрээ татлаа МАН: У.Хүрэлсүх, Ж.Мөнхбат, Д.Хаянхярваа нар нэр дэвшлээ Премьер лигийн баг тав дахь дасгалжуулагчаа халлаа Хорьдол Сарьдагийн 10 жилийн хувьслыг харуулна Хүнд жингийн аварга асан Хэй гэмтлээ Хүүхдүүдийн IQ муудсан нь усны савтай холбоотой Ж.Энхбаяр: У.Хүрэлсүхэд улс төрийн эрх мэдэл өгөх ёстой Каприо шинэхэн дурлалтайгаа учирчээ Хөгжлийн бэрхшээлтэй эмэгтэйчүүдийн нөхөн үржихүйн эрхийг судална
Улаанбаатар -12°
“Цалинтай ээж” хөтөлбөрт хэн хамрагдах вэ
2017.11.13

 

Ирэх оны төсвийн төслийн эцсийн хэлэлцүүлэг боллоо. Эдийн засгийн хямралыг даван туулахын тулд ОУВС-тай хамтран “Өргөтгөсөн санхүүжилтийн хөтөлбөр”-ийг хэрэгжүүлж буйг хүн бүр мэднэ. Тус хөтөлбөрт цалин, тэтгэвэр болон зарим халамжийн мөнгийг олгохгүй байх шаардлагыг тавьсан байдаг. Мэдээж үүнд нь хүүхдийн мөнгө багтсан нь олны эгдүүцлийг төрүүлсэн. Гэтэл ирэх жилийн төсвийг тооцоолохдоо “Цалинтай ээж” хөтөлбөр болон бүх хүүхдэд мөнгө олгохоор тусгасан байна. Энэ нь ОУВС-гийн хөтөлбөртэй хэрхэн зохицох, бас дараагийн шатны санхүүжилт ава­хад нөлөөлөх эсэх талаар эдийн засагчид тод­руул­саар байгаа. Хэдийгээр зайлшгүй шахалтаар төрийн албан хаагчдын цалин нэмэх хэрэгтэй боловч эдийн засгийн нөхцөл байдлыг харгалзах нь чухал гэдгийг ч эдийн засагчид сануулж байна.

 

Гэсэн ч төсвийн төслийн үзэл баримтлалд “Цалинтай ээж” хөтөлбөрийг хэрэгжүүлэхээр тусгасан юм. Тиймээс энэ хөтөлбөрт хэн хамрагдах вэ гэдэг хүлээлт нийгэмд үүсчээ. Тодруулбал, нийгмийн даатгал төлдөг эхчүүдэд олгох тухай албан бус эх сурвалж хэлсэн. Гэвч ирэх жилийн төсвийн төсөлд тусгаснаар 0-3 насны хүүхдээ асарч байгаа эхэд улирал бүр цалин олгох “Цалинтай ээж” хөтөлбөр хэрэгжүүлэх, Нийгмийн даатгалын шимтгэлийг нь 100 хувь төрөөс хариуцах, мөн гурав ба түүнээс олон хүүхэдтэй өрх толгойлсон эх /эцэг/-т хөдөлмөрийн хөлсний доод хэмжээгээр улирал бүр дэмжлэг үзүүлэхээр тусгажээ.

 

Дашрамд дурдахад, өнгөрсөн жилийн төсөв батлах үеэр хүүхдийн мөнгийг олгохдоо амьжиргааны төвшнөөс нь хамааруулан олгохоор шийдвэрлэж байсан нь нэлээд шүүмжлэлийг дагуулсан юм.

 

Тиймээс “Цалинтай ээж” хөтөлбөрт хэн хамрагдахыг ирэх оны төсвийг батлах үеэр илүү тодорхой болгох биз ээ.

 

Эх сурвалж: “Зууны мэдээ” сонин

Д.ОЮУНЧИМЭГ

“Цалинтай ээж” хөтөлбөрт хэн хамрагдах вэ
Shuud.mn
сонин хачин
2017 оны 11-р сарын 21, Мягмар гараг