Гашуунсухайтын гаалийн ТӨРИЙН эсрэг ажиллагаа Германы эрх баригчдын мэдээллийг хакердахыг завджээ Энхийг сахиулсан цагдаа нарыг шагналаа Кикбоксоор дэлхийн эмэгтэй хошой аваргатай боллоо М.Лувсанданзан: Би огтхон эргэлзэлгүй ажлаа ч хийнэ, спортоо ч орхихгүй гэж хариулсан Харригийн сүйт бүсгүй иог сурталчлав Мэргэжлийн боксчны чих тасрах дөхөв ОХУ-ын иргэдийг төрийн одонгоор шагналаа Уламжлалт анагаах ухааныг хөгжүүлэх хэрэгтэй ХААН Банкны дөрвөн тооцооны төв цусны даралт хэмжих багаж бүхий булантай боллоо Ц.Оюунгэрэл: Би ”Ногоон нүдэн лам”-ынхаа II дэвтэрт сайхан цагийг бичнэ гэж бодсон УИХ эдийн засгийн хүндрэлээс гарах асуудлаа шийдээгүй байна Баруун бүсэд шинэ автотээврийн төв үүдээ нээлээ Монголын ихэр охидын амжилт Геннист бичигдэнэ Адрина Лима: Цаг хугацааг зогсоож чадахгүйгээс хойш хөгшрөхөөс айхгүй байна Сонгуулийн хуулийн ажлын хэсгийг Л.Энх-Амгалан ахална Аспирины тусламжтай хагнаас ангижрах арга Өнгөө алдсан тохойг хэрхэн арчлах вэ ОХУ-ын зуучлалаар АНУ, Пхеньяны удирдлагууд уулзаж магадгүй 3000 жилийн турш Иерусалим хот Израйлийн нийслэл байсан
Улаанбаатар -23°
Өлсгөлөн зарласны утга учир тайлагдлаа
2017.12.4

 

Бүрэн цутгамал ХХК-ийн захирал Б.Батдэлгэр гэгч 2017 оны 10 сарын 16-наас эхлэн хэдэн хоног Хэлмэгдэгсдийн хөшөөний хажууд өлсгөлөн зарласныг бүгд санаж байгаа. Тэрээр өөрийгөө “орчин цагийн хэлмэгдүүлэлтийн золиос болсон” хэмээн зарласан.

 

Яг бодит учир шалтгаан нь маргааш болох шүүх хуралд нөлөөлөх зорилгод буй.

 

Б.Батдэлгэр шударга шүүхийн өмнө өөрийн буруугүйг нотлох баримтын хомсдолд орж, буруутайгаа ухамсарлахын хирээр шүүхээс оноох нөхөн төлбөрөөс зайлсхийх боломж гарч магад хэмээн сэтгэж ийн өлсгөлөн зарласан аж.

 

Шүүхээр шийтгэгдэх болоод ирэхээр гэмтнүүд бүгд “хэлмэгдлээ” хэмээн чарладаг заншил тогтсон болохоор иргэд болоод хуулийн ажилтнууд дунд итгэх хүн огт гарсангүй. Харин учир мэдэхгүй улс төрчид, ядарсан хүнд тус болж байгаа дүр эсгэн сонгогчдоосоо оноо татах зорилгоор асуудалд хошуу дүрсэн ч явуургүйг мэдмэгц тэр даруй зайгаа авч байлаа.

 

Б.Батдэлгэр УИХ-ын зарим гишүүд болоод бусад албаны хүмүүс рүү хандсанд эхлээд сонссон ч уг хэргийг шүүхээр шийдэгдэх шатандаа явааг сонсмогцоо холдсон байна. Монгол улсад үнэнийг гагцхүү шүүх тогтооно гэсэн хуулийн засаглалын зарчмыг Б.Батдэлгэр хүлээн зөвшөөрч чадахгүйдээ шүүхийн шийдвэрт нөлөөлчих санаа агуулан өлсөх, гүжирдэх, өөрийгөө өрөвдүүлэхийг оролдох зэргээр элдвээр аягласаар л явна.

 

Б.Батдэлгэр “Надад хилсээр чанга дэглэмтэй хорих ангид 7-8 жил хорих ял өгөх гэж байна” хэмээн мэдэгдсэн. Үнэндээ бол Б.Батдэлгэр нь батлагдсан зураг төслийг зөрчиж цахилгааны ажлыг оромдсон хэрэгтээ Эрүүгийн хуулийн 20.13-д заасны дагуу шалгагдсан нь үнэн. Сэтгэлгүй хийсэн ажлыг нь өөр компаниар шинээр хийлгэх гэж олон арван сая төгрөгний зардал, цаг хугацаа, хөдөлмөр орсон нь ч үнэн.

 

Гэвч цаг хугацааны хувьд Өршөөлийн хуульд хамрагдаж байгаа тул хэрэгсэхгүй болгох нөхцөл үүссэн аж. Б.Батдэлгэр Өршөөлийн хуулийн заалтаар ялаас мултарна гэдгээ анхнаасаа мэдэж байсан хирнээ өөрийгөө өрөвдүүлж, шүүхэд олон нийтийн дарамтыг тулгах зорилгоор хэлмэгдэж байгаа хүний дүрд тоглож явжээ. 

 

Болсон явдал нь сүр бадраах зүйл огтхон ч биш бөгөөд хоёр байгууллагын хоорондын гэрээний маргаан л аж. Б.Батдэлгэр захирал Бүрэн цутгамал ХХК-ынхаа дансаар 1 тэрбум 200 төгрөг авчихаад ажлаа гүйцэд хийлгүй, гэрээгээ цуцалж байгаагаа албан бичгээр өгчихөөд, барилгын ажлаа хаяж явсан байна.

 

Б.Батдэлгэрийн орхиж явсан ажлыг шүүх шинжээчээр үнэлгээ хийлгэхэд “нийтдээ 981 сая төгрөгийн ажил хийгдсэн” болох нь тогтоогдсон аж. Энэ нь Бүрэн цутгамал компанийн гаргасан бүх зардал, ажиллагсдын цалин, бараа материал болоод компанийн өөрийнх нь ашгийг нь хүртэл оруулсан тооцоо юм байна.

 

Монгол улс 1992 оноос хуулийн засаглалд шилжсэн. Төрийн болон аж ахуйн нэгж иргэдийн хооронд үүссэн бүх маргааныг шүүхээр хэлэлцэн, зөв бурууг тогтоодог болоод удаж байна. Гэтэл Б.Батдэлгэр өөрийн охорхон бодлоор асуудлыг улс төржүүлэх, олон нийтийг шуугиулах байдлаар шийдэхийг оролдож байна.

 

Хэрвээ өлсгөлөн зарлаад л зөв, бурууг шийддэг бол хууль шүүхийн хэрэг байна уу? Харилцан өлсгөлөн зарлаад хэн нь удаан тэссэн нь зөвддөг болчихмоор юм даа.

 

Өлсгөлөн зарласны утга учир тайлагдлаа
Shuud.mn
сонин хачин
2017 оны 12-р сарын 11, Даваа гараг