Эрүүл мэндийн даатгалын үндэсний зөвлөлийн даргаар Д.Сарангэрэлийг томиллоо Далай ламд зориулан утасны апплейкшн бүтээжээ В.Путин: Трампын өрсөлдөгчид л биднийг холбоотой хэмээн буруутгадаг Сум бүрт малзүйчтэй байна Үйлдвэрийн ажилтнуудыг санаатай хордуулжээ Тим Хардавэйн гэмтэл санаснаас ч ноцтой гэв Онцгойгийнхон цэргийн тангарагаа давтав Б.Хурцыг Элчин сайдаар томиллоо Лиам Хемсворт: Майлигаас өөр бүсгүйг хайрлаж чадахгүй байх Тоглоомтой чихэр, өндгөн шоколад, бохь, иштэй чихрээс болгоомжил “Чингис хаан” нисэх буудлынхан 1.2 сая дахь зорчигчдоо хүндэтгэл үзүүлэв Б.Хурцын томилгоог хаалттай хэлэлцэж байна Б.Хурцыг уучлал гуйж, Д.Энхбатыг нэр төрийг цагаатгахыг хүсч байна Порзингис гэмтлээс болж тоглолтыг орхилоо Бяцхан сантагийн бэлэг ”Био” чацаргана Тэргүүн хатагтайн дүү нар хар тамхины хэргээр ял авчээ Азийн түншлэлийн хуралдаанд оролцож байна Б.Хурцтай холбоотой нээлттэй сонсгол хийж байна Мэдээллийн технологийн бодлогын зөвлөл хуралдлаа Британи: Галд өртөж, амиа алдсан иргэддээ хүндэтгэл үзүүллээ
Улаанбаатар -22°
Хөдөлмөрийн хуулийг нэн даруй шинэчлэх шаардлагатай
2017.12.6

 

Монгол Улсын Хүний эрхийн Үндэсний Комисс Олон Улсын Хөдөлмөрийн байгууллагатай хамтран өнөөдөр "Хөдөлмөрийн тухай хуулийн шинэчлэл болон хувийн хэвшил дэх хөдөлмөрлөх эрхийн хэрэгжилт”зөвлөлдөх уулзалтыг зохион байгууллаа.

 

Хөдөлмөрлөх эрхийн чиглэлээр Монгол Улсын нэгдсэн орсон гэрээ, конвенцуудын хэрэгжилт хэр байгааг, Хөдөлмөрийн тухай хуулийн өөрчлөлт, шинэчлэлтийн хэрэгцээ шаардлага, хөдөлмөрийн харилцаанд тулгамдаж буй асуудлыг хэлэлцүүлсэн тус уулзалтад Монгол Улсын Хүний эрхийн Үндэсний Комиссын дарга Ж.Бямбадорж, ХЭҮК-ын гишүүн Н.Ганбаяр, Олон Улсын Хөдөлмөрийн байгууллагын БНХАУ, Монгол Улсыг хариуцсан товчооны захирал Тим Дэ Мэйэр, Монгол Улсад Европын Холбооны төлөөлөгчийн газрын хэргийг түр хамаарагч Марко Ферри, УИХ-ын гишүүн, Хөдөлмөр нийгмийн хамгааллын сайд С.Чинзориг, Хүнс, хөдөө аж ахуй, хөнгөн үйлдвэрийн дэд сайд Ж.Сауле, Монголын Үйлдвэрчний Эвлэлийн холбооны ерөнхийлөгч Х.Амгаланбаатар, Гадаад Харилцааны яам, зам тээвэр хөгжлийн яам, Улсын мэргэжлийн хяналтын ерөнхий газар, Монголын Үндэсний Худалдаа аж үйлдвэрийн танхим, Монголын Ажил олгогч эздийн нэгдсэн холбоо, Монголын Монголын ноос, ноолуурын холбоо зэрэг төр, иргэний нийгмийн байгууллага, олон улсын байгууллагын төлөөлөл оролцож байр сууриа илэрхийллээ.

 

Монгол Улс хөдөлмөрлөх эрхийг баталгаажуулсан Олон Улсын хөдөлмөрийн байгууллагын суурь 8 конвенцийг соёрхон баталж, дагаж мөрдөх үүргийг олон улсын өмнө хүлээсэн байдаг. 


Хүний үндсэн эрхүүдийн нэг нь болох хөдөлмөрийн хүрээний суурь зарчим, эрхийг хэрэгжүүлэхэд Засгийн газар, ажил олгогч, ажилтны төлөөллийн байгууллагуудын үүрэг хариуцлага, оролцоо чухал болохыг уулзалтад оролцогчид онцолж байв. Түүнчлэн даяаршлын энэ эрин үед манай улс дэлхий нийттэй хөл зэрэгцэн алхаж, дэлхийн зах зээл, олон улсын худалдаа, өртгийн сүлжээнд нэгдэхийн тулд эдийн засаг, нийгэм, хүний эрхийн шаардлагыг биелүүлэх, үйлчилгээ, үйлдвэрлэлийн явцад хөдөлмөрийн хүрээний суурь зарчим ба эрх, эрх чөлөөг хангах шаардлага тулгарч байна.

 

Монгол Улс олон улсын хамтын нийгэмлэгийн өмнө хүлээсэн үүргээ биелүүлэхийн тулд олон улсын хөдөлмөрийн хэм хэмжээний хэрэгжилтийн талаар судалгаа дүн шинжилгээ хийх, нотолгоонд суурилсан бодлого боловсруулах, шаардагдах санхүүжилтийг хуваарилахад Засгийн газар, ажил олгогч, ажилтны төлөөллийн байгууллагууд нягт уялдаатай ажиллах, үндэсний хууль тогтоомждоо нэн даруй нэмэлт өөрчлөлт оруулах хэрэгцээ шаардлагатайг зөвлөлдөх уулзалтаар хөндөн хэлэлцлээ.

 

Уг уулзалтын дараа "Жижиг дунд үйлдвэр дэх хөдөлмөрлөх эрхийн зарим асуудал: Худалдаа үйлчилгээ, ноос ноолуурын салбар” судалгааны тайлангийн хэлэлцүүлгийг судалгаанд хамрагдсан аж ахуйн нэгж байгууллага, ажил олгогч, ажилтны төлөөллийн байгууллагууд болон төрийн болон иргэний нийгмийн байгууллагуудыг оролцуулан зохион байгуулж байна.

Хөдөлмөрийн хуулийг нэн даруй шинэчлэх шаардлагатай
Shuud.mn
сонин хачин
2017 оны 12-р сарын 15, Баасан гараг