“Монгол, Оросын санаачилга 2018” арга хэмжээгУлаанбаатар хотноо зохион байгуулна ҮСХ-ны бүрэлдэхүүнийг шинэчлэн баталлаа ”Оддын академи” шоу нэвтрүүлгийн охидын хамтлаг тодорно Хоёр Солонгос Пёнчан-2018 наадмын нээлтэнд нэгдэж орно Карлос Сайнц “Дакар-2018” уралдааныг тэргүүлсээр байна Нударга зөрүүлэхийг оролдсон хоёр тоглогч шийтгүүллээ Трампаас авсан “IQ”-ийн сорилыг ил болгохыг эмчээс нь хүсчээ Кавай Леонардын гуяны гэмтэл сэдэрлээ Бага насны хүүхдүүдийг дээрэмддэг бүлгийг баривчиллаа Н.Баяртсайхан: Зээлийн хүүг бууруулах арга замыг хайж байна Жолигийн найруулсан кино “Оскар”-т өрсөлдөнө Банкны хуулийг баталлаа Ханборгоцой дотор 745 кг хар тамхи нуусан байжээ Барилга угсралтын тусгай зөвшөөрлийг цахимаар олгож эхэллээ Трамп монголчуудад ажлын виз олгохоор болжээ ЕБС-ийн 800 гаруй багш, ажилчид чуулж байна “Эрдэнэт”-ийн 39 хувийг луйварчид л авна Татвар нэмсэн нь иргэдийн амьжиргаанд хэр нөлөөлснийг судалж байна Агаарын бохирдолыг бууруулахад Буриадууд хамтран ажиллахаа илэрхийллээ Татвар төлөгчдийн мөнгөөр хохирол барагдуулдгийг зогсооно
Улаанбаатар -17°
ГССҮТ-ийг Хөдөлмөрийн гавьяаны улаан тугийн одонгоор шагналаа
2017.12.28

Монгол Улсын Ерөнхийлөгч Х.Баттулга зарлиг гаргаж Гэмтэл согог судлалын үндэсний төвийг Хөдөлмөрийн гавьяаны улаан тугийн одонгоор шагналаа.

 

 

Шагналыг Монгол Улсын Ерөнхийлөгчийн Тамгын газрын дарга З.Энхболд гардуулж өгөв.

 

Гэмтэл согог судлалын үндэсний төвийг Хөдөлмөрийн гавьяаны улаан тугийн одонгоор шагнах тухай Монгол Улсын Ерөнхийлөгчийн зарлигт “Тулгар төрийн 2226 жил, Их Монгол Улс байгуулагдсаны 811 жил, Үндэсний эрх чөлөө, тусгаар тогтнолоо сэргээн мандуулсны 106 жил, Ардчилсан хувьсгалын 28 жилийн ойг тохиолдуулан, олон улсын жишигт нийцсэн чанартай оношилгоо эмчилгээг шинжлэх ухааны ололт, сургалт судалгаатай хослуулан, гэмтэл согог судлалын чиглэлийг шинэ шатанд гаргаж, монгол хүний амь нас, эрүүл мэндийг авран хамгаалах, нөхөн сэргээх, урьдчилан сэргийлэх үйлсэд оруулсан Гэмтэл согог судлалын үндэсний төвийн үе үеийн нийт эмч, сувилагч, асрагч, ажилтан албан хаагчдын хичээл зүтгэлийг өндрөөр үнэлж Монгол Улсын төрийн дээд шагнал Хөдөлмөрийн гавьяаны улаан тугийн одонгоор шагнасугай” гэжээ.

 

Шагнал гардуулах үеэр Монгол Улсын Ерөнхийлөгчийн Тамгын газрын дарга З.Энхболд хэлсэн үгэндээ “Та бүхэнд Үндэсний эрх чөлөө, тусгаар тогтнолоо сэргээн мандуулсны 106 жилийн ой, Гэмтэл согог судлалын Үндэсний төв үүсгэн байгуулагдсаны 55 жилийн ойн баярын мэндийг өргөн дэвшүүлье.

 

Монгол Улсын Ерөнхийлөгч зарлиг гаргаж, тус байгууллагыг Монгол Улсын төрийн дээд шагнал - Хөдөлмөрийн гавьяаны улаан тугийн одонгоор шагнасныг гардуулан өгч байгаадаа баяртай байна.

 

Анагаах ухааны орчин үеийн хөгжил дэвшил, техник технологийг ашиглан, 55 жилийн турш хүн ардад эрүүл мэндийн тусламж үйлчилгээг чанарын өндөр түвшинд үзүүлж ирсэн Гэмтэл согог судлалын Үндэсний төв түүхэн ойгоо осол гэмтлээс урьдчилан сэргийлэх, гэмтэл согог судлалын чиглэлээр сургалт, эрдэм шинжилгээ, инноваци, олон улсын жишигт нийцсэн оношилгоо, эмчилгээг нэвтрүүлэн, үйлчлүүлэгчид ээлтэй орчин бүрдүүлэн ажиллаж байгаа ахиц дэвшил, амжилт ололтоор дүүрэн угтаж байна.

 

Тус байгууллагын үе үеийн удирдлага, эмч, сувилагч, асрагч, ажилтан, албан хаагч, хамт олонд төр засаг, ард иргэд, эмчлүүлэгч үйлчлүүлэгчдийн өмнөөс талархал илэрхийлэхийн ялдамд халуун баяр хүргэж, эрүүл энх, сайн сайхныг хүсэн ерөөе.

 

Хөдөлмөрийн гавьяаны улаан тугийн одонт танай хамт олон амжилт ололтоо ахиулан, хүн ардынхаа эрүүл энхийн төлөөх ариун үйлс, ажил хөдөлмөрөөрөө улс орныхоо хөгжилд улам бүр үнэтэй хувь нэмэр оруулсаар байна гэдэгт итгэлтэй байна.

 

Сайн үйлс ашид дэлгэрэх болтугай.

 

Баярлалаа” гэлээ.

 

 

ЭХ СУРВАЛЖ: http://www.president.mn

ГССҮТ-ийг Хөдөлмөрийн гавьяаны улаан тугийн одонгоор шагналаа
Shuud.mn
сонин хачин
2018 оны 1-р сарын 18, Пүрэв гараг