Сүхбаатар дүүргийн 17 дугаар цэцэрлэгт их засвар хийнэ Хуурамч хаягаар залилан хийж байгааг анхаарна уу Хойд Солонгос “Пёнчан 2018” наадамд 230 хөгжөөн дэмжигч илгээх санал хүргүүллээ НӨАТ: Энэ сарын 22-ноос өмнө бүртгэлээ баталгаажуулаарай УУХҮ-ийн сайд Д.Сумъяабазар Хонконгт ажиллаж байна Ж.Ганбаатарыг ЖДҮ-ийн хөгжлийн дэд хорооны даргаар улирууллаа Сургууль, цэцэрлэгүүдэд 230 агаар цэвэршүүлэгч байрлуулжээ Байнгын ажиллагаатай зөвлөлийн ээлжит хуралдаан боллоо Петерхансел Дакарыг тэргүүлэхэд ойртож ирлээ Монгол улс аялахад тохиромжтой дэлхийн шилдэг 10 улсын нэгээр шалгарав Катрин Зета Жонс: Нөхөр минь эмэгтэй хүнийг дарамталж, гомдоох нэгэн биш Төрийн банкны гүйцэтгэх захирлаар Г.Дөлгөөнийг томилжээ Хөвсгөл өрсөлдөх чадвараар хамгийн эмзэг аймгаар тодорлоо УИХ-ыг хууль дээдлэх зарчмыг зөрчсөн гэж үзжээ Боловсролын салбарын 3400 багш, ажилчид зөвлөгөөнд оролцоно Мөнгөн хадгаламжийн даатгалын тухай хуулийн төслийг хэлэлцэхийг дэмжив Америк хөлбөмбөгийн од авто осолд орлоо Э.Бэхбаяр Энэтхэгийн лигт барилдана Ким Чен Уны жорлонг устгаж, зоригийг нь мохоох хэрэгтэй 21-ээс доош насны иргэнд согтууруулах ундаагаар үйлчилбэл үйл ажиллагааг нь зогсооно
Улаанбаатар -31°
ХХААХҮ-ийн сайд орон нутагт сэрэмжлүүлэг хүргүүллээ
2017.12.29
 

Цаг уур, орчны шинжилгээний газраас 29-нд ихэнх нутгаар, 30-нд нутгийн зүүн хагаст ахиухан хэмжээний цас орж, цасан шуурга шуурч, хүйтрэхийг онцгойлон  анхааруулж байна.

 

12 дугаар сарын 29-нөөс 1 дүгээр сарын 02-ны өдрийг хүртэлх урьдчилсан мэдээгээр: 29-нд Увсын зүүн хэсэг, Завханы нутгаар цасан шуурга шуурч, Говь-Алтай, Баянхонгорын өмнөд хэсгээр салхи секундэд 18-20 метр, зарим үед 24 метр хүрч ширүүсэх бөгөөд баруун аймгуудын нутгийн зүүн хэсэг, төв, зүүн аймгуудын нутаг, говийн аймгуудын нутгийн зарим газраар, 30-нд нутгийн зүүн хагаст, 31-нд нутгийн хойд хэсгээр, 1 дүгээр сарын 1-нд баруун болон төвийн аймгуудын нутгийн зарим газраар цас орно. Салхи 29-нд ихэнх нутгаар, 30-нд нутгийн зүүн хагаст секундэд 14-16 метр, нутгийн өмнөд хэсгээр түр зуур секундэд 18-20 метр хүрч цасан болон шороон шуурга шуурна.

 

Хүйтний эрч чангарч Увс нуур болон Дархадын хотгор, Идэр, Тэс, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 35-40 градус, өдөртөө 25-30 градус, Завхан голын эх, Хүрэн бэлчир, Хангай, Хөвсгөл, Хэнтэйн уулархаг нутгаар шөнөдөө 30-35 градус, өдөртөө 18-23 градус, говийн бүс нутгийн өмнөд хэсгээр шөнөдөө 16-21 градус, өдөртөө 8-13 градус, бусад нутгаар шөнөдөө 24-29 градус, өдөртөө 13-18 градус хүйтэн байхыг мэдээллээ.

 

Цаг агаар эрс хүйтрэхтэй холбоотойгоор ХХААХҮ-ийн сайд Б.Батзориг аймгуудын ХХААГ-ын дарга нарт сэрэмжлүүлэг хүргүүлэн, онцгой анхаарч ажиллах чиглэл өглөө. Нэн тэргүүнд цаг агаарын мэдээ, мэдээллийг сум, баг, малчдад шуурхай хүргэж, цаг агаарын тогтворгүй үед мал сүргээ бэлчээхгүй байх, бага насны хүүхдийг малд явуулахгүй байхыг анхаарууллаа. Мөн аймгуудын Хүнс, хөдөө аж ахуйн газар дээрээ баярын өдрүүдэд хариуцлагатай жижүүр ажиллуулан,  ХХААХҮ-ийн яамны  хариуцлагатай жижүүр болон “Шуурхай штаб”-д цаг үеийн нөхцөл байдлын талаарх мэдээллийг шуурхай өгч байх чиглэл өглөө.

 

 

ЭХ СУРВАЛЖ: http://mofa.gov.mn

ХХААХҮ-ийн сайд орон нутагт сэрэмжлүүлэг хүргүүллээ
Shuud.mn
сонин хачин
2018 оны 1-р сарын 18, Пүрэв гараг