Дээрмийн хэргүүдийг шуурхай илрүүлжээ Д.Норов гуайд хүндэтгэл үзүүллээ Өндөржүүлсэн бэлэн байдлын зэрэгт шилжин ажиллаж байна Иргэд тууралтат болон гэдэсний өвчний талаар зөвлөгөө авчээ Жилийн заслаа хийлгэж, буянаа арвижуулаарай Пёнчан 2018: Б.Ачбадрах 97, Ч.Отгонцэцэг 84-дүгээр байрт орлоо Олон улсын нислэг хуваарийн дагуу үйлчилж байна Ялимгүй цас орж, явган шуурга шуурна Үс засуулбал эд малтай баялаг төгс болно Пёнчан 2018: Тонга улсын тугч залуу дахин өөр төрөлд хүч сорих уу? Тайра Бэнкс: Би дахин тээгч эхийн тусламжтай хүүхэдтэй болно ОХУ-ын Ерөнхийлөгчийн сонгуульд ажиглагчаар оролцоно Өнөөдөр Балжиннямтай өдөр Баярын өдрүүдэд өндөржүүлсэн бэлэн байдалд ажиллаж байна Нийтийн тээврээр үнэ төлбөргүй үйлчлүүлээрэй Пёнчан 2018: Өнөөдөр болох тэмцээний хуваарь Сайн малчин, тариаланч, фермерүүд шагналаа гардан авлаа Өөх шатааж, бодисын солилцоог сайжруулдаг хүнснүүд Улаанбаатарт 11 хэм хүйтэн байна Тасалгааны зуун настаар хоолойн өвдөлтийг намдаах арга
Улаанбаатар -24°
Д.Сүхбаатарын нэрэмжит хороотой болов
2018.2.3

Их Жанжин Д.Сүхбаатарын мэндэлсний 125 жилийн ойг тохиолдуулан түүний гэрийн буйранд цэцэг өргөж, хүндэтгэл үзүүлэх Жанжин клубт Баянзүрх дүүргийн 12 дугаар хороог Д.Сүхбаатарын нэрэмжит болгох тухай НИТХ-ын Тэргүүлэгчдийн тогтоолыг тус хорооны удирдлагуудад гардуулах ёслол  боллоо. Тогтоолыг Нийслэлийн Засаг дарга бөгөөд Улаанбаатар хотын Захирагч С.Батболд, НИТХ дахь МАН-ын бүлгийн дарга С.Мөнхчулуун нар Баянзүрх дүүргийн удирдлагууд,  иргэдийн төлөөлөлд гардуулав.

 

Энэ үеэр Нийслэлийн Засаг дарга бөгөөд Улаанбаатар хотын Захирагч С.Батболд “Өнөөдөр Монголын ард түмний суут хүү Жанжин Д.Сүхбаатарын мэндэлсний 125 жилийн ойг бид бүхэн тэмдэглэж байна. Энэ хүн бол өнөөгийн Монгол орныг бий болгоход баатарын, жанжины хувьд үнэлж баршгүй гавьяа байгуулсан Монгол төрийн нэрт зүтгэлтэн юм. Бидний өвөг дээдэс өнөөгийн Монгол Улсыг байгуулахын тулд халуун амь, бүлээн цусаа үл хайрлан тэмцсэн. Харамсалтай нь 1990 оноос эхлэн сүүлийн 100 жилийн түүхийг гуйвуулах, Ардын хувьсгалын ач холбогдлыг бууруулах зэрэг үйлдэл гарч байгаа. Тиймээс бид түүхээ байнга сэргээн санаж байх учиртай. Ойн хүрээнд олон арга хэмжээ зохион байгууллаа. НИТХ-ын Тэргүүлэгчдийн тогтоолоор Баянзүрх дүүргийн 12 дугаар хороог Жанжин Д.Сүхбаатарын нэрэмжит болгохоор болсон. Энэхүү тогтоолыг зүгээр нэг гаргаад орхихгүй. Гэрийн буйр байгаа газарт  Улаанбаатар хотыг “Ногоон хот” болгох зорилтын хүрээнд Цэцэрлэгт хүрээлэн байгуулж, тохижуулах ажлыг хийнэ. Энэ оны хавраас тохижилтын ажлыг эхлүүлхээр нийслэлийн төсөвт тусгагдсан байгаа. Ингээд нийслэлийн иргэдийн ирэх дуртай Цэцэрлэгт хүрээлэн нэгээр нэмэгдэх болно” хэмээлээ.

 

Баянзүрх дүүргийн МАН-ын хорооны дарга Э.Бат-Амгалан “Жанжин Д.Сүхбаатарын мэндэлсний 125 жилийн ой өнөөдөр тохиож байна. Баянзүрх дүүргийн Монгол Ардын намын гишүүд дэмжигчид, намын удирдлагууд, төрөл төрөгсдийн төлөөлөл, дүүргийн иргэд гээд 300 орчим хүн Жанжины төрж, өссөн гэрийн буйран дээр очиж, хүндэтгэл үзүүлэн цэцэг өргөлөө. Ингээд Баянзүрх дүүргийн 12 дугаар хороог Монгол Улсын хэмжээнд анх удаа Жанжин Д.Сүхбаатарын нэрэмжит болголоо. Энэ дагуу 2018, 2019 оны нийслэлийн төсөвт суугдсан санхүүжилтийн хүрээнд уг буйрыг Цэцэрлэгт хүрээлэн болгох ажлын эхлэлийг тавьсан явдалд баяртай байна” гэв.

 

Тогтоол хүлээн авах ёслолд Их Жанжин Д.Сүхбаатарын төрөл төрөгсөд оролцлоо. Их Жанжины мэндэлсэн өдрийг ёслол төгөлдөр тэмдэглэж буйд Нийслэлийн удирдлагууд болон МАН-ын удирдлагуудад талархаж буйгаа төрөл төрөгсөд нь илэрхийлсэн юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Д.Сүхбаатарын нэрэмжит хороотой болов
Shuud.mn
сонин хачин
2018 оны 2-р сарын 20, Мягмар гараг