Ерөнхий сайдыг шоглосон зураачийг хорьжээ Ерөнхийлөгч Х.Баттулга Сэлэнгэ аймгийн иргэдтэй уулзлаа Зөөврийн дижитал рентген аппараттай боллоо Эдийн засгийг сэргээх хөтөлбөрийг хэлэлцэнэ Рианнад экс хайр нь баяр хүргэжээ Пёнчан 2018: АНУ-ын хоккейн баг мултарлаа Хүүгээ чемоданд нууж, хил давахыг завдсан эрийг суллажээ Вашингтоны саналаас Ким Чен Уны дүү татгалзлаа “Эрдэнэт үйлдвэр”-ийн талаарх УИХ-ын тогтоол хууль зөрчсөн үү Жастин Биберийн аав хуримаа хийжээ Увс аймагт 4.12 магнитудын газар хөдлөлт болжээ Жерар Депардье дахин иргэншлээ сольж, Алжирийн иргэн боллоо “Миний эх орон” үзэсгэлэн Дундговь аймагт нээлтээ хийлээ Том Круз: Миний амьдрал бүтэлгүйтдэг нь урлагтай холбоотой Монгол сэтгүүлчийг дэлхий үнэлэв Фэйсбүүкээр танилцсан бүсгүйгээ хөнөөжээ Эх хэлний олон улсын өдөр тохиож байна БНХАУ хөлбөмбөгийг удаан хугацаанд тогтвортой хөгжүүлэх тал дээр анхаарч байна Оросын хакерууд Монголыг онилж эхэлжээ Гар утаснаасаа хувьцаа худалдаж аваарай
Улаанбаатар -14°
Гадаад харилцааны сайд Д.Цогтбаатар БНАСАУ-д айлчлав
2018.2.7

Гадаад харилцааны сайд Д.Цогтбаатар энэ сарын 3-5-ны өдрүүдэд БНАСАУ-ын Гадаад хэргийн сайд Ри Ён Хо-гийн урилгаар тус улсад албан ёсны айлчлал хийв. Тэрээр БНАСАУ-ын Ардын Дээд Хурлын Тэргүүлэгчдийн дарга Ким Ен Нам-д бараалхаж, Солонгосын Хөдөлмөрийн намын Төв хорооны орлогч дарга, Гадаад харилцааны хорооны дарга Ри Сү Ён-той албан ёсны уулзалт хийсэн юм. Мөн Сайд Д.Цогтбаатар БНАСАУ-ын Гадаад хэргийн сайд Ри Ён Хо-той албан ёсны хэлэлцээ хийлээ.


Албан ёсны уулзалт, яриа хэлэлцээний үеэр талууд Монгол, БНАСАУ-ын уламжлалт найрсаг харилцаа, хамтын ажиллагаа амжилттай хөгжиж ирснийг тэмдэглээд энэ онд тохиож буй дипломат харилцаа тогтоосны 70 жилийн ойг хоёр талдаа ёслол төгөлдөр тэмдэглэхээр тохиролцов.

 


БНАСАУ-ын Ардын Дээд Хурлын Тэргүүлэгчдийн дарга Ким Ён Нам Солонгосын ард түмний удирдагч Ким Ир Сен Монгол Улсад хоёр удаа айлчлахад хамт дагалдан очих завшаан тохиож байснаа дурсаад Монгол, Солонгосын харилцаа өнгөрсөн 70 жилийн хугацаанд хоёр улсын ард түмний чин сэтгэлийн хүсэл эрмэлзэл, найрамдал нөхөрлөлд тулгуурлан он цагийн сорилт, шалгууруудыг амжилттай даван туулж, өнөөгийн түвшинд хүрснийг онцлов.


Монгол, БНАСАУ-ын Гадаад харилцааны сайд нар яриа хэлэлцээний үеэр хоёр улсын харилцааг тогтвортой хөгжүүлэхийн төлөө байгаагаа нотлов. Дипломат харилцаа тогтоосны 70 жилийн ойн хүрээнд талууд эрдэм шинжилгээний хурал, гэрэл зургийн үзэсгэлэн, урлаг соёлын арга хэмжээ зэргийг зохион байгуулахаар болов. Монгол, Солонгос судлалыг хоёр талдаа дэмжин хөгжүүлж, харилцааны гүүр болсон мэргэжилтэн судлаач нарыг бэлтгэх, монгол, солонгос хэлний сургалтыг харилцан дэмжихээр тогтов.


Талууд хоёр талын хүрээнд төдийгүй олон улс, бүс нутгийн түвшинд үргэлжлүүлэн хамтран ажиллахаар ярилцав. Бүс нутгийн энх тайван, аюулгүй байдлыг хангахад чиглэсэн манай улсын “Улаанбаатарын яриа хэлэлцээ” санаачилгыг БНАСАУ дэмжиж байгаагаа илэрхийлэв.


Сайд Д.Цогтбаатар БНАСАУ, БНСУ-ын хооронд шууд яриа хэлэлцээ сэргэж, хоёр тал Пёнчаны Өвлийн Олимпид хамтран оролцохоор болсонд баяр хүргэв. Энэхүү яриа хэлэлцээ цаашид үргэлжилж, бүс нутгийн байдлыг тогтворжуулахад чухал түлхэц болно гэдэгт найдаж байгаагаа илэрхийлэв.


Айлчлалын үеэр Монгол Улсын Онцгой байдлын Ерөнхий газар, БНАСАУ-ын Онцгой байдал, гамшгийн удирдлагын улсын хорооны удирдлагууд “Харилцан ойлголцлын санамж бичиг”-т гарын үсэг зурав.


Уулзалт, яриа хэлэлцээ найрсаг, харилцан ойлголцсон уур амьсгалд болж, Монгол, Солонгосын цаашдын хамтын ажиллагаанд чухал ач холбогдолтой болов.

Гадаад харилцааны сайд Д.Цогтбаатар БНАСАУ-д айлчлав
Shuud.mn
сонин хачин
2018 оны 2-р сарын 21, Лхагва гараг