Түвдэд анх удаа эмэгтэй хүн өөрийгөө шатааж амиа егүүтгэсэн тохиолдол гарчээ. Түвдийн Дэчин Чойнхорлин хийдийн гэлэнмаа Дэнзэн Вангмаа хэмээх 20 настай залуу бүсгүй тусгаар тогтнолын төлөөх үйл хэрэгт өөрийн амь насаа ийнхүү өргөж амьдаараа зулын гол болжээ. Энэ талаар Чөлөөт Түвд хэмээх хилийн чанадад үйл ажиллагаагаа явуулдаг байгууллагаас мэдээлсэн байна. Түвдэд удаа дараалан Хятадаас салан тусгаарлах үзэл бодлоо илэрхийлэн лам нар амиа золислож зулын гол болсоор байгаа бөгөөд энэ нь хэдийгээр найм дахь удаагийн тохиолдол хэдий ч эмэгтэй хүн өөрийгөө шатаасан анхны тохиолдол гэнэ.