Улсын дээд шүүх өчигдөр, өнөөдөр хоёр өдөр ажиллахаар болжээ. Нэр дэвшигч нь Монгол Улсын Их Хурлын сонгуулийн тухай хуулийн 26 дугаар зүйлийн 26.4.1 дэх хэсэгт зааснаар “...банк, бусад хуулийн этгээд, иргэнд шүүхийн шийдвэрээр тогтоогдсон төлбөл зохих зээл, барьцаа, батлан даалтын өр болон хугацаа хэтэрсэн албан татварын өр төлбөргүй байх” гэсэн шаардлагыг хангасан талаархи мэдүүлгийг өнөөдрийг хүртэл авах юм. Учир нь энэ өдрүүдэд УИХ-ын сонгуульд нэр дэвшигчид лавлагаа өгөх юм. Мөн Монгол Улсын Дээд шүүх Сонгуулийн тухай хуулийн 29 дүгээр зүйлийн 29.6 дахь хэсэгт заасны дагуу дээрх тодорхойлолтыг Улсын дээд шүүх, энэ хуулийн 29.2.5-д заасан тодорхойлолтыг цагдаагийн төв байгууллага нэр дэвшигч тус бүрээр гаргаж, Сонгуулийн ерөнхий хороо болон тойргийн хороонд сонгууль товлон зарласан өдрөөс хойш 35 хоногийн дотор албан бичгээр хүргүүлнэ” гэсэн заалтыг хангахаар ажиллаж байна. Үүнтэй холбогдуулан Улсын дээд шүүх амралтын өдрүүдэд 10.00-17.00 цаг хүртэл ажиллаж байна. У.Жигүүр