Хөл гар нь хөхөрч няцарсан О охины гэр бүлийнхэн УМБГ-т гомдол гаргажээ. Учир нь охин ОХУ-руу аялан тоглолт хийж явахдаа багш Э-дээ зодуулж хүндэвтэр зэргийн гэмтэл авсан аж.Уг гомдлыг цагдаагийн байгууллагаас хүлээн авч Эрүүгийн хуулийн 181-р хэрэг үүсгэн шалгаж эхэлжээ.
Монголын Үндэсний цирк буюу одоогийн “АСА” циркийн жүжигчид ОХУ-д аялан тоглолт хийж байх үеэр Энх-Амгалан гэх эмэгтэй багш уран нугараач О охиныг “сайн нугарсангүй” гэсэн шалтгаанаар зодож, гэмтэл учруулсан гэж охины ээж гомдол мэдүүлээд байгаа аж.
Хэрэв охиныг зодож гэмтээсэн нь шүүхээр тогтоогдвол Э багшид бусдыг илтэд үл хүндэтгэн хүч хэрэглэх буюу хүч хэрэглэхээр заналхийлж, нийгмийн хэв журмыг ноцтой зөрчсөн гэж үзэн хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, гурваас дээш зургаан сар хүртэл хугацаагаар баривчлах, эсвэл гурван жил хүртэл хугацаагаар хорих ялаар шийтгэх юм.
Н.Түвшин