Монгол Улсад шинэ үеийн Тагнуулын байгууллага үүсч хөгжсөний 90 жилийн ойг тохиолдуулан тус байгууллагын түүхэн замнал, үйл ажиллагааг Тусгай архивын баримтад тулгуурлан харуулсан “Тагнуулын байгууллага-90” үзэсгэлэнгийн нээлт өчигдөр  Занабазарын нэрэмжит Дүрслэх урлагийн музейд болсон. Энэхүү үзэсгэлэнд ТЕГ-ын Тусгай архивын сан хөмрөгөөс хоёр зуу гаруй сонирхолтой гэрэл зураг, баримт бичиг, биет үзмэрүүдийг олон нийтэд танилцуулж байгаа юм. Түүнчлэн өнөөдөр тагнуулын байгууллагын ажилтны өдөр өнөөдөр тохиож байна. Үүнтэй холбоотойгоор Засгийн газрын 2010 оны 172 дугаар тогтоолоор баталсан “Түүхэн үйл явдлын ой, тэмдэглэлт өдрийг тэмдэглэх, гавьяат үйлстнийг алдаршуулах, дурсгалыг мөнхжүүлэх журам”-д нэмэлт заалт оруулжээ. Д.Цэцэг