АНУ-аас сансарт ниссэн анхны эмэгтэй болох Салли Райд даваа гаригт 61 насандаа өөд боллоо.
Даваа гаригт НАСА-гаас түүний нас барсныг мэдээлж, Ерөнхийлөгч Барак Обама Саллиг үндэсний баатар хэмээжээ.
Тэрээр 1983 онд 32 насандаа анх сансарт нисч байсан юм. Сансарт нисэх анхны эмэгтэй болохоор таван эмэгтэй өрсөлдөж байснаас сонгогдсон Салли Райд нь физикч, өөрийн компанийнхаа ерөнхийлөгч бөгөөд хүүхдэд зориулсан шинжлэх ухааны ном тавыг бичсэн байна. Мөн Калифорниа их сургуулийн физикийн профессор байсан юм.
Тэрээр нойр булчирхайн хорт хавдраар нас барсан гэсэн мэдээ байна.
Ц.Мишээл