Ирэх наймдугаар сарын 4, 5-ны өдрүүдэд Хэнтий аймгийн Дадал суманд зүүн бүсийн аймгуудын "Шилдэг дуучин" шалгаруулах уралдаан болно. Тус уралдаанд мэргэжлийн бус дуучид оролцох аж.Шилдгийн шилдэг дуучин нэг сая төгрөгийн шагнал хүртэх гэнэ. Уралдааныг урлагийн гавьяат зүтгэлтэн Д.Ухнаа зохион байгуулж байгаа юм байна. Оролцогчдын хувьд нас, мэргэжил харгалзахгүй оролцож болох гэнэ.Хамгийн гол нь тус тэмцээнд зүүн бүсэд хамаарах аймгийн иргэн оролцох ёстой гэдэг шалгуур тавьж байгаа. Тус тэмцээн хоёр өдөр үргэлжлэх бөгөөд тэмцээний эхний өдөр өөрийн сонгосон нийтийн дууг фонаграммтай дуулах бол хоёрдугаар шатанд шалгарсан 20 дуучин үндэсний цөөхүүл хөгжимчидтэй хамтарч шүүгчдийн зүгээс бэлдсэн 238 ардын дуунаас сонголтоо хийж дуулах юм байна.
Э.Сувд