Улаанбаатар
Даргын даалгавар, Ерөнхийлөгчийн ерөөл
2012-8-2

Байт харвааны олон улсын хэмжээний мастер Б.Урантунгалаг өнөөдөр тун хариуцлагатай тулаан хийх гэж байна. Үүний өмнөх шатны харваанууд ч ялгаагүй чухал байсныг элэг нэгт монголчууд маань санаж буй. Тэрээр эхний даваандаа зургаан олимпийн наадамд оролцсон, нутгийн харваач Аллисон Уильямсонтой өрсөлдөн гайхалтай ялалтыг байгуулж, англи зоныг гомдоож, эх орноо Их Британи даяар сурталчлаад амжив. Улмаар өмнөх даваанд Энэтхэгийн харваачтай хүчтэй тэмцэлдсэн АНУ-ын бүсгүйг мөн л ялж, шилдэг 16-д шалгарлаа. Урнаа харваачийг энэ тулаанд гарахын өмнө МҮОХ-ны генсек Ж.Отгонцагаан "Манай медалийн горьдлого-Цагаанааг энэ нутгийн бөх хожиж саад болсон. Одоо энэ олон хөгжөөн дэмжигчдийнх нь өмнө эмэгтэй Робин Гүүдийг ялаарай" хэмээн даалгавар, зөвлөгөө хослуулан өгчээ. Харин өнөөдөр Монголын байт харвааны холбооны ерөнхийлөгч Б.Ганзоригийн төрсөн өдөр тохиож буй тул Урнаа харваач нь ерөөл билэгдлийн дээдээр бэлэг барих биз ээ.                    
Shuud.mn
Сонин хачин