Нийслэлийн иргэдийн төлөөлөгчдийн хурлын өчигдрийн хуралдаанаар УИХ-ын гишүүн асан Э.Бат-Үүлийг Нийслэлийн Засаг дарга бөгөөд Улаанбаатар хотын захирагчид нэр дэвшүүлэхийг 97,6 хувийн саналаар дэмжсэн.Улмаар НИТХ-ын дарга Д.Баттулга Монгол Улсын Ерөнхий сайд С.Батболдод нийслэлийн Засаг даргад нэр дэвшүүлсэн Э.Бат-Үүлийг батламжлуулах тухай тогтоолыг өргөн барьсан.Үүний дагуу Ерөнхий сайд С.Батболд хотын даргыг батламжиллаа. Нийслэлд хийж байгаа олон ажлууд байгаа ч тулгамдаж буй асуудлууд ч цөөнгүй бий. Эдгээр ажлын ололт амжилттай явааг нь үргэлжлүүлж, эрч хүчийг нэмэгдүүлэх, засаж сайжруулах ажлыг нь шуурхай эхлүүлэхийг чиглэл болгож ажиллахыг Ерөнхий сайд С.Батболд үүрэг болгосон. Төрийн албаны мэргэшсэн залгамж чанарыг хадгалах учиртай гэдгийг дахин анхааруулаад мөрийн хөтөлбөртөө тусгасан ажлуудаа амжилттай хийж хэрэгжүүлэхийг нийслэлийн 31 дэх Засаг дарга Э.Бат-Үүлээс хүслээ.
Д.Цэцэг