Нийслэлийн Засаг дарга бөгөөд Улаанбаатар хотын Захирагч Э.Бат-Үүл өчигдөр нийслэлд өрнөж байгаа зам засвар, бүтээн байгуулалтын ажлууд болон сургууль, цэцэрлэгийн засварын ажлын явцтай танилцжээ.Тэрээр Чингэлтэй дүүргийн 43 дугаар цэцэрлэг, 61 дүгээр сургуулийн засварын ажилтай танилцаж, шаардлагатай хөрөнгө мөнгөний асуудлыг газар дээр нь шийдвэрлэсэн байна.
Мөн Сүхбаатарын гудамж буюу Байгалийн түүхийн музейн зүүн уулзварын зам засвар, Сэлбийн хос гүүрний засвар шинэчлэлт, Сансарын туннелийн зүүн уулзварт барьж буй нүхэн гарцны ажлын явцыг газар дээр нь шалгаад, ажлыг чанартай гүйцэтгэж, хугацаанд нь хүлээлгэн өгөхийг даалгалаа. Мөн Улаанбаатар хотын замын хөдөлгөөн ачаалллыг бууруулах цогц арга хэмжээг боловсруулж, ойрын үед танилцуулахыг холбогдох албаныханд үүрэг болгосон талаар Нийслэлийн Хэвлэл мэдээллийн албанаас мэдээллээ.
Д.Цэцэг