УИХ-ын чуулганы өчигдрийн хуралдаанаар шинэ Засгийн газрын танхимын гишүүдийг томилсон билээ. Ерөнхий сайд Н.Алтанхуягийн танхим Засгийн газрын тэргүүнээс гадна 18 гишүүнтэй байхаас АН-ын харьяалалтай 13 сайдыг өчигдөр томилсон. Тэгвэл өнөөдөр шинээр томилогдсон сайд нар харьяа яам нь дээрээ очиж ажлаа хүлээж авч байгаа юм. Тухайлбал, Гадаад харилцааны сайдаар томилогдсон Л.Болдод ажлыг нь хүлээлгэн өгөх ёслол боллоо. Монгол Улсын Ерөнхий сайд Н.Алтанхуяг Гадаад харилцааны яаманд хүрэлцэн ирж, Гадаад харилцааны сайд асан Г.Занданшатараас тамгыг хүлээн авч, сайдаар шинээр томилогдсон Л.Болдод гардуулж, ажлын амжилт хүсэв. Уг ёслолын үеэр “Н.Алтанхуягийн тэргүүлсэн шинэчлэлийн Засгийн газрын мөрдөх зарчим”-ыг Ерөнхий сайд уншиж танилцуулан сайд Л.Болдоор гарын үсэг зуруулан гардуулав.
Д.Цэцэг
Уншиж байна |