Цэцэрлэгийн хүүхдийн хоолны мөнгийг нэмэх санал дэмжлэг авлаа
2012-09-06 09:29

УИХ-ын Нийгмийн бодлого, боловсрол, соёл, шинжлэх ухааны байнгын хорооны өнөөдрийн хуралдаанаар хоёр асуудал хэлэлцэхээр төлөвлөсөн байсны эхэнд Нийгмийн даатгалын  болон Нийгмийн халамжийн тухай хуульд нэмэлт, өөрчлөлт оруулах тухай хуулийн төслүүдийн анхны хэлэлцүүлгийг хийв. Мягмар гаригийн УИХ-ын чуулганы хуралдаанаар УИХ-ын гишүүн С.Ганбаатар, С.Дэмбэрэл нар “ Хуулийн төслийг хэлэлцэх нь зөв. Гэхдээ Нийгмийн даатгалын байгууллагын удирдлагыг томилохдоо тухайн шатны Засаг дарга ч биш, босоо удирдлагаар ч биш, харин Нийгмийн даатгалын дэргэдэх гурван талт Үндэсний зөвлөлөөс томилдог байхаар энэ хуулийн төслийг сайжруулаач" гэсэн зарчмын зөрүүтэй санал гаргасан.  Энэ саналыг хуралдаанд оролцсон гишүүдийн олонхи нь дэмжлээ. Дараа нь Монгол Улсын 2012 оны төсвийн тухай хуульд нэмэлт, өөрчлөлт оруулах тухай, Нийгмийн даатгалын сангийн 2012 оны төсвийн тухай хуульд өөрчлөлт оруулах тухай, Хүний хөгжил сангийн 2012 оны төсвийн тухай хуульд нэмэлт, өөрчлөлт оруулах тухай хуулийн төслүүдийн хоёр дахь хэлэлцүүлгийг хийлээ. УИХ-ын гишүүн Г.Уянга Сангийн сайдаас Монгол Улсын гадаад болон дотоод өрийн хэмжээг асууж, "Бид төсвийн тодотголыг хийхдээ өрийн бичгээр шийдэж, урд хормойгоо хойд хормойгоороо нөхдөг болжээ. Нэмэлт хөрөнгийн эх үүсвэр олон тал дээр дутмаг ажиллаж, зөвхөн ашигт малтмалаа тойрсон ядмаг арга хэрэглэж байгаагаа өөрчлөх хэрэгтэй. Тамхины онцгой албан татварыг нэмж байгаатай адил архи болон ашигт малтмал олборлож байгаа уул уурхайн компаниудын ус ашигласны төлбөрийг нэмэгдүүлэх арга хэмжээ авах боломж бий эсэх талаар асууж байлаа. Сангийн сайдын мэдээлснээр манай улсын дотоод өр 770 орчим тэрбум төгрөг, гадаад өр буюу дутуу төлөгдсөн зээл 2,6 орчим их наяд төгрөг байгаа гэнэ. Гэхдээ энэ нь одоогоор эдийн засгийн байдалд дарамт үүсгэхгүй гэлээ.

Бусад  гишүүдийн хувьд цэцэрлэгийн хүүхдийн хоолны мөнгөний асуудал дээр нилээд нухацтай хандаж байсан. Тухайлбал, С.Эрдэнэ, Г.Уянга, Л.Эрдэнэчимэг нар 2008 онд хүүхдийн хоолны мөнгийг 1100 төгрөгөөр тооцож төр 100 хувь даадаг болсон. Гэтэл өнөөдөр инфляцийн түвшин нэмэгдэж энэ мөнгөөр хүүхэд хооллоход хүндрэлтэй байна. Тиймээс төсвийн тодотголд тусгаж 2100 төгрөг болгох хэрэгтэй. Мөн эцэг эхчүүдийн хяналт, хариуцлагыг нэмэгдүүлэх үүднээс төр, эцэг эх хувааж төлөх гарц байгааг ч дурьдлаа. УИХ-ын С.Ганбаатар, Гадаадын улс орны жишгээр нөхцөлт мөнгөн тэтгэлэг бий болгож, давхар нийгмийн асуудлыг шийдэх хэрэгтэй гэсэн саналыг ч гаргаж байлаа. Харин Боловсрол, шинжлэх ухааны сайд Л.Гантөмөр хоолны мөнгийг нэмэгдүүлж үдийн цайг 400 байсныг 800 төгрөг, дотуур байрны хоолны зардлыг 1500 байсныг  3400 төгрөг болгох саналыг холбогдох яамдад хүргүүлж дэмжигдсэн. Удахгүй Засгийн газрын хуралдаанаар оруулна. Наана нь шийдэх шаардлагагүй гэсэн бол УИХ-ын гишүүн С.Бямбацогт, Ц.Оюунгэрэл нар хэлэхдээ "Яагаад тодотгол хийж байгаагаа мартах хэрэггүй. Төсвийн орлого 1,2 их наяд төгрөгөөр дутаж, төсвийн алдагдал 4,9 хувьтай байна. Хүүхдүүдээс мөнгөө харамлаж байгаа биш.  10-р сарын 1-нээс хүүхэд бүрт сар тутамд олгох 20000 төгрөг өгөх гээд төсөвт 60 тэрбум төгрөг тусгасан. Бас эх орны хишиг хувьцаа аваагүй иргэдэд 1 сая төгрөг олгох үүрэг байгаа. Ийм байдалд төсөвт ачаа нэмэх шаардлага байхгүй. Хөнжлийнхөө хирээр хөлөө жийцгээе" гэв.

Ийнхүү гишүүд асуулт асууж, саналаа хэлсний дараагаар зарчмын зөрүүтэй саналын томъёоллоор санал хураалт явуулсан. УИХ-ын гишүүн Л.Эрдэнэчимэгийн гаргасан Архины онцгой албан татварыг нэмэх замаар орох нэмэгдэл орлогоор цэцэрлэгийн хүүхдийн хоолны мөнгийг 2100 төгрөг болгож нэмэх санал олонхийн дэмжлэг авсан юм. Байнгын хорооноос гарах санал дүгнэлтийг Төсвийн байнгын хороонд хүргүүлэх болсноор хуралдаан өндөрлөв.

Shuud.mn
Сонин хачин
соло:
цэцэрлэгийн хүүхдийн хоолны мөнгийг нэмснээр төлж чадах хүмүүс байгаа хэдий ч төлж чадахгүй хүн хэд байгааг мэдэж байгаа бол уу, үүнээс үүдэн хүүхдүүд хохирох вий дээ
2012-10-02
Эрдэнэцэцэг:
Улсын цэцэрлэгт явж байгаа хүүхдүүд гэртээ ирэхдээ их өлссөн байдаг. Эцэг эхчүүд хүүхдийнхээ хоолны мөнгийг хичнээн цалин багатай ч өгч чадна. Хүүхдээ өдөржингөө өлсгөлөн байлгахыг ямарч эцэг эх хүсэхгүй. Хүүхдүүд бас өдөржингөө унтдаг бололтой. Бид бүхэн хүүхдээ өв тэгш хүмүүжилтэй хүн болоосой гэж цэцэрлэгт явуулж байхад сурсан юмгүй шахуу унтаж байгаад ирж байна. Мөнгө авахгүй байгаагаас шалтгаалж юм хэлбэл хүүхдээ гарга л гэнэ. Цэцэрлэгт хүүхдээ өчнөөн мөнгө хандив маягаар өгч оруулж байна. Энэ нь хоолны мөнгө авахаа байснаас болж гарч ирж байгаа сөрөг үр дагавар. Жилд өгдөг мөнгөө хандив маягаар нэг удаа бөөнд нь өгч байгаа нь нууц биш, тэгээд шаардлага тавих эрхгүй болгосон нь төрийн эрхэм гишүүдийн алдаа. Өөрсдийнх нь хүүхдүүд улсын цэцэрлэгт явах биш . Та нар яаж мэдэх вэ дээ сарын 500-с дээш долларын цэцэрлэгт ач зээ нь явдаг биз Шударгаар хөдөлмөрлөж байгаа мэдлэг боловсролтой ард түмэн чинь ганц байрны төлөө бүх насаараа зүтгэж байгаа нь үнэн шүү хүний чадварыг үнэлдэггүй эрхэм тэнэг гишүүдээ
2012-09-12
Байгаль:
Хүүхдийн мөнгөө өг. Цэцэрлэгийн мөнгөний хагасыг эцэг эхчүүд өгсөн нь дээр Цэцэрлэг мөнгө авахаа больсноос хойш хүүхдүүд өлсөж байна. Хувьцааны мөнгөө ч өг Хувийн хэвшлийн цалингийн доод хэмжээг тогтоож өг мэдлэг чадвартай хүмүүс хувийн хэвшилд 500000-1000000 төгрөгний цалин авч ганц байрны төлөө бүх насаараа ажиллаж байна үр хүүхдүүддээ яаж боловсрол эзэмшүүлэх юм бэ хувийн хэвшлээс авах татварыг бууруулж цалингийн доод хэмжээ болон ажжил мэргэжил боловсролоор нь зааглаж цалингийн хэмжээг тогтоож өг жижиг дунд үйлдвэрлэлээ хөгжүүл татвараар зохицуулж өг улсын байгууллагыг ярихаа болиоч 80% нь танил талаараа орсон чадвар муутай авилгал авагчид шүү дээ харин хувийн хэвшлийнхэн бол мэдлэг чадвараараа орсон шударга сэхээтнүүд олон байна хүний чадварыг үнэлдэг механизм бүрдүүлээчээ юу хийгээд хэрэлдэж зодолдоод байдаг юм бэ ард түмнээ бодоочээ ганц олдох амьдрах амьдралдаа ухаантай амьдарч үеийн үед сайнаар дурсагдах хэрэгтэй мөнгийг аваад үхэх биш эрхэм гишүүдээ
2012-09-12
zochin:
manaid gazriin bayalagaas asar ikh mungu orj irdeg.deedchuul bolon hedhen ger buliin hool bolood duusdag. tuuniigee taslan zogsooj tusubtei tulubruulj ulsiinhaa sang duurgeh heregtei.Zalingaanemehgui baij ezeg ehees mungu nehej bolohgui shuu dee.tegeed ch 3 han saya hun amtai,delhiid gaihagdsan bayalagtai uls gej baij,huuhdiin hoolnii mungiig ezeg ehees ni nehehe icheech.Manaid turiin zub zohion baiguulalt l dutaad baina
2012-09-07
багш:
эцэг эхийн үүрэг оролцоог нэмэгдүүлэх хэрэгтэй. Бүх зүйлийг төрөөр даалгуулчихаад төрийн албан хаагдчыг доромжлодог. хүүхдийнхээ төлөө хоолны мөнгийг нь даах хэрэгтэй. Тэр хүүхдийн мөнгө гээд байгаагаа цэцэрлэгийн хоолны мөнгөнд өгөөд, цэцэрлэггүй үлдсэн хүүхдийнх нь эцэг эхэд нь өгвөл яасан м бэ? Тэгэнгүүт эцэг эхчүүд хүүхдээ цэцэрлэгээс гаргана даа.
2012-09-06