“Өдрийн шуудан” сонины  өнгөрөгч есдүгээр сарын 29-ний өдрийн дугаарт “Хууль бусаар 265 хүнд тэтгэмж олгож, улсын төсвөөс 95.4 сая төгрөг зарлагаджээ” гэсэн нийтлэлд хөдөлмөрийн чадвараа алдсан байнгын асаргаа шаардсан хүмүүст олгох ёстой тэтгэмжийг Хөвсгөлд 137, Дорноговьд 53, Төв аймагт 41, Завханд 34 хүнд нийтдээ 95.4 сая төгрөгийг хууль бусаар эрүүл хүмүүст олгосон тухай  мэдээлэл цацагдсан юм байна. Эл мэдээллийн дагуу Монгол Улсын Эрүүгийн Байцаан Шийтгэх хуулийн 166 дугаар зүйлийн 166.1.2 дэх хэсэгт заасан дагуу шалгахыг дээр дурьдагдсан дөрвөн аймгийн прокурорын газруудад Улсын ерөнхий прокуророос  үүрэг өгч шалгуулах болсон байна.