Хүний амьдрал яг л азын сугалаа шиг ... Арав төгслөө. Эзэмших мэргэжил, сурах сургуулиа сонгоно. Их сургуулиа төгслөө. Ажиллах албан байгууллага, хэлтэс нэгжээ сонгоно. Амьдралд хөл тавьлаа. Нэг насаараа ханилах ханиа сонгоно. Хэрвээ хамгийн чухал энэ бүхнийг л зөв сонгож, амьдралаас сайхан бүхнийг нь сугалж чадвал хүний амьдрал гэрэл гэгээ, аз жаргалаар дүүрэн байдаг гэж би боддог юм.
Яг үүн шиг хүний амьдралыг өөрчлөж, шинэ бүхнийг бэлэглэж чадах нэгэн хөтөлбөрийн хөндлөнгийн зочноор би өнгөрсөн 7 хоногийн Мягмар гаригт оролцсон юм. Өнгөрсөн онд Юнител группээс санаачилж байсан “5 байр хөтөлбөр”-ийн 11 дэх байрны азтанг тодруулах шууд нэвтрүүлэгт хэрэглэгчдийн төлөөлөл болж, үнэн зөв явагддаг эсэхийг хянаж өгнө үү хэмээн хүсэлт ирсний дагуу би 9-р сарын 4-ний өдрийн орой 21 цагт МҮОНТ-ийн 600-н их студид очсон юм. Шууд нэвтрүүлэг цагтаа эхлэж, гар утасны азтануудыг тодруулж эхэллээ. 0-9 хүртэлх тоотой бөмбөлөгнүүд шилэн хоргонд эргэлдэж, автоматаар нэг нэгээрээ гарч ирсээр ... эхнээсээ азтанууд тодорсоор л байлаа. Хажууд нь байгаа хөндлөнгийн зочин би битгий хэл, телевизээр харсан хүнд ч бөмбөлөгний машин үнэн зөв явагдаж байгаа нь тод харагдаж байсан гэдгийг хэлэх нь зүйтэй болов уу. Ийнхүү нэвтрүүлэг үргэлжилсээр хамгийн чухал мөч буюу бүх тавилга нь бэлэн, цоо шинэ байрны эзэнг тодруулахаар бөмбөлөгнүүд эргэлдэж эхэлсэн юм. Тоонууд нэг нэгээрээ гарч ирсээр, хүмүүс догдолсоор, би хүртэл өөрөө оролцож байгаа мэт бүх биеээ хураачихсан цифрүүдийг харж суусан юм. Ингээд сүүлийн цифр ил болонгуут автоматаар хэрэглэгчийнх нь утасны дугаар гарч ирснээр олны өмнө азтан тодорхой болдог юм билээ. Монголынхоо нэг ч гэсэн гэр бүлд баяр баясгалан хайрласан тэр үдэш тэр мөчид тэнд байсандаа би маш их баярласан.
Хүнд худал хэлж, хууран мэхлэхгүй, буруу санаж, бусдад атаархахгүй зөв хүмүүст л энэ байр очдог юм байна даа гэсэн бодлоо би энэ удаагийн азтан бүсгүйгээр улам баталгаажуулсан. Арын сайхан хангай нутгийн уул ус шиг ээ тогтуухан, намуухан, зөв сэтгэлтэй охин Юнителийн иж бүрэн тавилгатай байрны эзэн болсон байна лээ. Азтай бүсгүй минь чиний амьдрал үргэлж ийм сайхан мөчүүдээр дүүрэн байгаасай гэж хүсье.
Мөн дашрамд улс эх орныхоо урлаг соёл, спорт, боловсролын салбарт бусадтайгаа нягт хамтран ажилладаг MCS, Юнител зэрэг байгууллагууддаа талархаж байгаагаа илэрхийлье.
Монгол улсын Төрийн соёрхолт, Ардын жүжигчин Н.Сувд