“Соёл гэгээрлээр сэргэн мандана” хэмээх уриатай “Соён гэгээрүүлэгч” нэртэй шинэ телевиз нээлтээ хийлээ. Өмнө нь “Эх орон” телевизээр цацагдаж үзэгчдийн танил болсон “Дархан мэх”, “Монголчууд архинаас татгалзаж байна”, “Бага хуралдай” зэрэг сонирхолтой нэвтрүүлгүүд үргэлжлэн “Соён гэгээрүүлэгч” телевизээр гарах юм байна. Тус телевиз нь энэ цагийн соён гэгээрүүлэгчдээс бүрдсэн албан ёсны эрдэмтэн, мэргэдийн зөвлөлтэй ажээ. Зөвлөлийн хүндэт ерөнхийлөгчөөр Монгол Улсын Хөдөлмөрийн баатар, Төрийн шагналт Л.Түдэв, Соёлын гавьяат зүтгэлтэн бурханч лам Г.Пүрэвбат, Соёлын гавьяат зүтгэлтэн зохиолч Г.Мэнд-Оёо зэрэг   хүмүүсээс бүрджээ. Б.Доржпагам