Сүүлийн жил хагасын дотор жинхэнэ од болж чадсан дуучин бол яахын аргагүй Адель билээ. Түүний гаргасан цомгууд гайхалтай хурдан борлогдож, олны таашаал хүртсэн дива болж чадсан юм.
Тэрээр саяхан USA Today сэтгүүлд дэлгэрэнгүй ярилцлага өгчээ. Энэхүү ярилцлагад түүний уран бүтээлээс гадна гадаад төрх, жингийнх нь талаар ч ярилцсан байна. Адель “Миний тухай гарсан мэдээллүүдийг уншдаг. Тиймээ, би 14-16 размерын хувцас өмсдөг, гэхдээ би одоогийн байдлаар эв эрүүл, бүх зүйл хэвийн байна. Хэрэв миний жин миний эрүүл мэнд болоод сексийн амьдралд нөлөөлөх юм бол би жингээ хасна. Түүнээс нааш би жингээ хасах бодол алга” хэмээн өгүүлжээ.
Түрүүчийн долоо хоногт Грэммийн шагналт дуучин Леди Гага Stylist UK сэтгүүлд “Адель надаас илүү тарган” гэж ярьсан. Харин үүнд Адель анхаарал хандуулж, эмзэглээгүй гэнэ.
Тэрээр 2008 онд хуучин найз залуугаасаа салсны дараа нэг хэсэг архи ууж, тамхинд донтоод байсан. Харин энэ байдлаасаа гарахад түүний маш их завгүй уран бүтээлийн ажил нь тусалсан гэдэг. Одоо тэрээр нөхөр охиныхоо хамтаар сэтгэл хангалуун амьдарч байна.
Э.Мөнхнасан