2012 оны 12 сарын 21-ний өдөр буюу маргааш дэлхий сүйрнэ, ямар нэгэн гамшигт үзэгдэл болно хэмээн зарим нэг хүмүүс лаа шүдэнзээ бэлдэж, бэлтгэлээ хангаж байгаа. Энэ асуудлаар ОБЕГ-аас албан ёсны мэдээлэл хийлээ. Олон улсын эрдэмтэд болон монголын Одон орон геофизикийн судалгааны төвийн эрдэмтэд дэлхийн сүйрэл, газар хөдлөлт зэрэг гамшигт үзэгдэл болохгүй хэмээн албан ёсны тайлбар хйисэн. Манай багйууллагын зүгээс эрдэмтэдтэй нэгэн адилаар дэлхийн сүрэл ирэхгүй, гамшигт үзэгдэл болохгүй гэдгийг албан ёсоор мэдэгдэж байна.
Гэтэл үзмэрч, бөө, лам хуврагт итгэсэн, буруу мэдээлэл авсан иргэд элдэв цуурхал тарааж, олны сэтгэл санааг үймүүлж байгаад харамсаж байна. Өчигдөр л гэхэд амьтад ичээнээсээ гарлаа гэх мэдээлэл гарсан. Бид энэхүү мэдээллийн дагуу аймаг орон нутагт байгаа Онцгой байдлын албаныхан, иргэд малчидтай холбогдсон.
Тарвага ичээнээсээ гараад хөлдөөд үхсэн байхыг хэн ч хараагүй, ямар ч баримт алга. Энэ бол зүгээр л цуурхал. Харин ч хөдөөгийн иргэд өвлийг өнтэй давахад хамаг анхаарлаа хандуулж байхад хотоос л элдэв мэдээлэл ирээд банйа. Яг юу болоод байгаа юм бэ гэж бидэнд хэлж байна. Тиймээс 2012 оны 12 сарын 21 нд юу ч болохгүй. Маргааш өдөртэйгээ эсэн мэнд золгоно. Тайван амгалан бай гэлээ.
П.Наран