Ерөнхий сайд Н.Алтанхуяг мэндчилгээ дэвшүүлэв
2012-12-29 08:00

Монголын ард түмэн эрх чөлөө, тусгаар тогтнолоо сэргээн мандуулсны 101 жилийн ойд зориулж, Монгол Улсын Ерөнхий сайд Н.Алтанхуягийн ард түмэндээ хандаж хэлсэн үг

XX зууны эхэн үед Монголын ард түмэн эрх чөлөө, тусгаар тогтнолынхоо төлөө тэмцэж, улс төр эдийн засгийн хувьд бие даан орших туурга тусгаар улсаа дахин сэргээн мандуулсан юм. Эрх чөлөө, тусгаар тогтнолын төлөөх энэхүү хувьсгалыг ухаант мэргэн дээдэс маань удирдаж, улс монголынхоо төлөө цохилох зүрхтэй түмэн олон маань түрэн дэмжжээ. Цаг түүхийн товчоонд “Монголын цагаагчин гахай жилийн хувьсгал” хэмээн нэршин үлдсэн энэ хувьсгалын ач буянаар хоёр зуу гаруй жилийн турш харийн эрхшээлд байсан Монгол улс тусгаар тогтносон билээ.

1911 оны 12 дугаар сарын 29-ний өдөр төрийн их ёслолыг гүйцэтгэн, VIII Богд Жавзандамба хутагтыг Монгол Улсын хаанд өргөмжилж, таван яамнаас бүрдсэн Монгол Улсын Засгийн газрыг байгуулжээ. Чухамдаа XX зууны Монголын түүхийн олон үйл явдал нь “цагаагчин гахай жилийн хувьсгал”-ын үр дүнг бодитой хэрэгжүүлэх үүрэг хүлээсэн Олноо өргөгдсөн Монгол Улсын Засгийн газрын үйл ажиллагаатай салшгүй холбоотой байдаг.

Энэхүү түүхэн хувьсгал нь ухаант дээдсийнхээ оюунаа чилээж, амиа зольж олсон тусгаар тогтнолоо сахин хамгаалах үндэсний ухамсрыг сэргээсэн юм. Түмэн олны тархинд сууж, зүрхэнд шингэсэн тэр ухамсарт сэтгэлгээ 1921 оны ардын хувьсгалын суурь болж, тусгаар тогтнолоо батлан хамгаалах баатарлаг тэмцэлд зоригт хөвгүүдээ уриалан дуудсан билээ. 1911 оны Үндэсний эрх чөлөөний хувьсгал бол эх орныхоо тусгаар тогтнолыг бататган бэхжүүлэх төдийгүй Монгол улсаа дэлхийн улс гүрнүүдтэй хөл нийлүүлэн урагшлах зөв хөгжлийн замд оруулахын төлөөх тэмцэл байсан юм.

Өнөөдөр Монгол түмнийхээ итгэлийн хүлээж байгуулагдсан Шинэчлэлийн Засгийн газар Монгол хүнээ, Монгол эх орондоо хүн шиг сайхан амьдруулах, Монгол орноо дэлхийн хөгжлийн энд хүргэхийн төлөө чармайн ажиллаж эхлээд байна. Бид хүнд суртал, авлига, хээл хахуулиас ангид, эрх чөлөөтэй, өндөр хөгжилтэй, тунгалаг нээлттэй төрийг цогцлоохын төлөө байна. Бид Монгол хүнээ эрхэмлэн дээдэлсэн ардчилсан төрийн жишигт дүйцэх тэр тогтолцоог бий болгохын тулд болж бүтэхгүй бүхнээ шинэчилж, өөрчлөх цаг болсон. Энэ бол засаглалын муу муухайг хувьсгаж, сайн сайхныг дархлах бүтээлч  шинэчлэл байх ёстой. Тийм бүтээлч шинэчлэлийн түүчээ нь Шинэчлэлийн Засгийн газар байх болно.

Энэ ертөнцөд алдар суугаа дуурсгаж явсан хүчирхэг дээдсийнхээ буурийг сахиж, нэгэн цагт алдагдсан тусгаар тогтнолоо дахин сэргээн мандуулсны 101 жилийн ойгоо тэмдэглэн суугаа Элэг нэгт Монголчууд та бүхэндээ энэ бахархалт өдрийн мэндийг өргөн дэвшүүлье! Их хөгжлийн гараан дээр ирээд байгаа Монгол эх орон минь цэцэглэн хөгжих болтугай!

Монголын иргэн бүр, айл өрх бүр аз жаргалаар дүүрэн байх болтугай! Бидний Монгол орон үүрд мандан бадраг !

2012.12.29

Shuud.mn
Сонин хачин
Bayaraa:
Yostoi temeg gar shuu dee, ene banzal Altanhuyag
2012-12-30
БОЛГООМЖИЛСОН АЙСАН ЦАРАЙ:
ЭНЭ ЯМАР ТЭНЭГ ЗУРАГ ТАВИА ВЭЭ УЛС ОРНЫХОО НЭГ УДИРДАГЧИЙН ЗУРГИЙГ ЯДАЖ БАЙРЫН МЭНДЧИЛГЭЭН ДЭЭР АЯТАЙХАН ЗУРАГ ТАВЬЖ БОЛООГҮЙ ЮМ УУ АЛЬ ЭСВЭЛ АЛЬ НЭГ НАМЫН ХАР ПИАР УУ ЭНД МЭНДЧИЛГЭЭ ГЭХЭЭСЭЭ АЙСАН ЭМЭЭСЭН БОЛГООМЖИЛСОН ХҮНИЙ ЭВГҮЙ ЦАРАЙ Л БНА ИЙМ ЦАРАЙ ГАРГААД БАЙВАЛ ЯАЖ ЛИДЕР БАЙЖ АРД ИРГЭДИЙГ МАНЛАЙЛАХ ЮМ БОЛ ДОО
2012-12-30
usa, bn:
1911 ond undesnii erkh chuluunii huvisgal l gej yarih yum, 1-rt bid uursduu eriin saindaa manjaas salsan yum bish, hyataduud manjiin tur zasgiig tulhen unagaasana bno, 2-rt yag unendee ene ni uuruu Mongol ulsad maani gai l bolson tuuhtei yum shuu dee, bid 1990 on shig mash olon bodlogogui alham hiisen shig, uvur Mongoliig mun tsaashlaad tuva-g aldah undes suuriig ene ued l tavisan yum. Mongol ulsaa tusgaar uls chigeer ni avch uldeh sanaachilga ni medeej mash zuv zuil bsan, gevch negdsen bodlogo bgaagui bno. naad tembuu yarandaa barigdsan gomo Bogd-g barag baatar bsan meteer bicheed bgaa garuud bol dan gadaadiin ali neg ulsiin surgaltiin tetgeleg amijirgaanii eh uusver olj avahiin uuriiguu eh ornoo, uzel bodloo hudaldsan garuud bdag yum, shinjleh uhaanii akademi, olon uls sudlaliin hurelend sumtai garuud duuren bna. Deer ni eliirel balairliig undeslegch baabar , sohorbaram geed erguu garuud bur soliorliin shatandaa orchihson bna.tedend sudlaad notolson yum yuu ch bhgui , dan taivan, china-n arhiviin barimt l bii, terniig 100 % unen gej notolson yum yuu ch bhgui... Mongol uls odoo yag 21 on shig tembuu, doh-nd barigdlaa, ard tumen unendee tuildaj yadarch guitslee, ard tumniig 2 huvaahaa bolitsgoo l gej helmeer bna. hiirhehee, hulgai hiihee,heel hahuulid avtahaa, hend ch hereggui iimerhuu alai oi hiidgee bolitsgoo, tegvel l Mongol oron maani hugjinu. usa,bn
2012-12-29
Baganuur MANgaruud http://www.youtube.com/watch?v=sugLjZG6GMs
2012-12-29
монгол:
БАЯРЫН МЭНД МОНГОЛЧУУДАА. ЭЦЭГ ӨВГӨДДӨӨ МӨРГӨМҮҮ
2012-12-29