Бүлэг этгээдүүд насанд хүрээгүй хүүхдүүд хулгайлан гэртээ нууж гэмт хэрэгт татан оролцуулдаг байсныг цагдаагийн албан хаагчид шуурхай илрүүлжээ.
Мэдээллийг тодруубал Сонгинохайрхан дүүргийн нутаг дэвсгэр буюу Нарангийн гол орчимд насанд хүрээгүй 6-14 насны дөрвөн хүүхдийг хулгайлан гэртээ байлгаж байсан этгээдүүдийг тус дүүргийн цагдаагийн хэлтсийн албан хаагчид, Хөдөлгөөнт эргүүлийнхэн өнгөрөгч долоо хоногийн баасан гаригт илрүүлжээ.
Өнгөрөгч долоо хоногийн пүрэв гарагт хичээлдээ яваад сураггүй болсон зургаан настай охиныг ч мөн тэд хулгайлсан байжээ. Охин гэмт этгээдүүдийн гэрээс зугтааж эсэн мэнд гэртээ ирсэн байна.
Дээрх гэмт бүлэглэлийнхэн хүүхдүүдийг номергүй машинаар хулгайлж гэртээ авчран улмаар дарамтлан зодож хулгай хийлгэж байсан нь мөрдөн байцаалтын явцад тогтоогдсон аж. Энэ талаарх мэдээллийг эргэн мэдээлнэ.