1990-ээд оны эхээр “Хэрвээ бурхан чамайг дуудахын бол” хэмээх дууг дуулж олонд танигдаж байсан уран бүтээлч Ч.Зоригоо “Бурхан Зоригоо” нэртэй цомгоо өөрийн цөөхөн фэнүүдээ зориулан худалдаанд гаргалаа. Идэр залуу насны алдаа оноогоо дуу болгон үеийхэнтэйгээ орцонд дуулж явсан тэрбээр залуу насныхаа дурсгал болгохыг эрхэмлэжээ. Ч.Зоригоо цомгийнхоо талаар хэлэхдээ, би мэргэжлийн дуучин биш, гэхдээ гудамжны дуучин ч биш. Энэ хоёрын завсар нэг ёсны хоббигоороо л үүнийг үр ачдаа үлдээх зорилгоор хэвлүүлсэн болохоос ашиг хонжоо хайсангүй гэв. Ч.Зоригоод энэ цомгонд ороогүй өөр 40-өөд дуу бий ажээ. Г.Болор