Манай хойд хөршийн нийслэл Москвагаас Уфа хот хүрэх хурдны зам дээр нэгэн гайхамшигтай явдал, чухамдаа бурхны аврал гэмээр явдал болжээ.
Хальтиргаа ихтэй хурдны замд энэхүү авто осол болсон бөгөөд ойрхон явж байсан машины камерт бичигдэж үлджээ. Нэгэн гэр бүлийн сууж явсан машин урдах тэргийг гүйцэж түрүүлэх оролдлого хийж байгаад шарваж, эргэжээ. Гэтэл эсрэг урсгалаас гурван ч хүнд даацын ачааны автомашин цуваагаар явж байсан байна. Эхний ачааны тэрэгт шүргүүлэх мөчид арын суудалд хамгаалалтын бүс хийгээгүй явсан нэг ойтой охин хойд хаалгаар шидэгдэж зам дээр унасан байна.
Энэ үеэр хоёр дахь ачааны тэрэг зам дээр унасан бяцхан охиноос хуруу зайтай л ойрхон өнгөрсөн байна. Гурав дахь тэрэгний жолооч охиныг харж машинаа зогсоож амжжээ.
Энэ явдлыг охины эцэг, эх төдийгүй бичлэгийг үзсэн хүн бүр бурхны аврал л гэж нэрлэхээр аж.
http://youtu.be/bGtQBT9AY8k
Н.Өрнө