Хүүхэд хулгайлж гэртээ нуудаг бүлэг этгээдийг өнгөрсөн амралтын өдрөөр баривчилсан талаар мэдээллийг манай сайт өмнө нь мэдээлсэн билээ.
Тэд Сонгинохайрхан дүүргийн Нарангийн гол орчимд багачуудыг гэртээ түгжин, зодож дарамтлан зах дээр хулгай хийлгэдэг байсан аж.
Энэ талаар албаны эх сурвалжаас тодруулахад хүүхэд хулгайлсан этгээдүүдийн нэг болох Н нь Хар хорин захад хүүхдүүдээр хулгай хийлгэж байхад нь цагдаагийн ажилтнууд илрүүлсэн гэл ээ. Уг хэргийг УМБГ шалгаж байна.