Монголын рок попын эмэгтэй дуучид дотроос үргэлж шинийг эрэлхийлж, стиль имижээ эрс өөрчилж олноос ялгарч байдаг уран бүтээлч бол “Киви” хамтлагийн ахлагч, дуучин Ука. Тэрбээр дуучин, бүжигчин гэхээсээ илүүтэй загвар өмсөгч гэсэн тодотголыг аваад байгаа билээ. Түүнийгээ ч батлан Малайз улсын Куала Лампур хотноо 19 дэх жилдээ зохион байгуулагдсан Олон улсын үнэт эдлэлийн шоунд урилгаар загвар өмссөн юм. Энэхүү шоунд Мисс Ц.Оюунгэрэл, загвар зохион бүтээгч, загвар өмсөгч Г.Золцэцэг болон Ука нар оролцсон. Энэхүү шоунд Европжуу төрхтэй дуучин Ука, загвар зохион бүтээгч Катя Зол үзэгчдийн анхаарлыг ихэд татсан гэдэг. Тэгвэл Дэлхийн загварын ертөнцөд монголынхоо нэрийг гаргаж яваа цөөхөн загвар зохион бүтээгчдийн нэг болох Катя зол буюу Г.Золцэцэг, АНУ-д дизайнерын их сургууль төгссөн стилист, загвар зохион бүтээгч Д. Энхмаа, Монголдоо таван жил олны танил хүмүүсийн нүүрийг будаж, олон кино, клип, рекламанд ажиллаж байсан туршлагатай нүүр будагч Э.Эрдэнэсувд нар Нью-Йоркийн загварын долоо хоногт танилцуулсан уран бүтээлээ өнгөрөгч амралтын өдөр монголчууддаа сонирхуулсан билээ. Харин энэхүү шоуны нэг сюрприз нь Ука байв. Тэрбээр нөгөө л өвөрмөц стильд хувирч чаддаг заншлаараа  Lady Gaga-гийн Монгол хувилбар болон үзэгчдийг алмайруулсан юм. П.Наран Гэрэл зургийг Б.Мөнх-Эрдэнэ