Киприйн ерөнхийлөгч огцорно хэмээн сүрдүүлэв
2013-03-25 09:38

Хэрвээ Европын төв банкинд төлөх  Киприйн ард банкны 9 тэрбум еврогийн өрийг Киприйн банкинд шилжүүлэхийг Европын холбоо (ЕХ) шаардах аваас огцорно гэдгээ Киприйн ерөнхийлөгч Никос Анастасиадас мэдэгджээ. Тэрбээр парламентын дарга Яннаис Омарутай утсаар ярихдаа ингэж хэлснийг Киприйн телевизийн “Сигма” сувгаар мэдээлсэн байна.  “Та нар намайг огцруулахыг хүсч байна уу. Хэрвээ та нар ингэж бодож байгаа бол, үүнийгээ шуудхан хэл” гэж Анастасиадас Брюссель хотод ЕХ-ны төлөөлөгчдөд  мэдэгджээ.

Киприйн ерөнхийлөгч үндэсний хямралын эсрэг хөтөлбөрийн тухай хэцүү хэлэлцээ болж буй Брюссельд ням гарагт ирсэн юм. ЕХ болон Олон улсын валютын сангаас Кипрт 10 тэрбум еврогийн тусламж үзүүлэх асуудал нь энэ баримт бичгийн үндэслэлүүдийг олон улсын зээлдүүлэгч нартай зөвшин тохирохоос шалтгаалж байгаа юм.

Никози хот дахь ерөнхийлөгчийн ордны дэргэд өчигдөр орой 500 гаруй хүн цугласныг “Сигма” суваг бас мэдээлжээ.  Тэд ЕХ буюу зээлдүүлэгчдийн хэтэрхий хатуу болзлыг эсэргүүцсэн байна.

С.Золбоо

Shuud.mn
Сонин хачин