Бүгд Найрамдах Словак Улсын Шадар сайд, Гадаад хэргийн сайд ноён Мирослав Лайчак тэргүүнтэй төлөөлөгчид өнөөдөр ШУТИС-д зочиллоо.
Хүндэт зочдыг ШУТИС-ийн ректор Т.Батбаяр, тэргүүн проректор Д.Батчулуун, сургалтын проректор Я.Наранцэцэг болон бүрэлдэхүүн сургуулийн захирлууд хүлээн авч уулзсан. Энэ үеэр ШУТИС-ийн Математикийн сургуульд лабораторийн тоног төхөөрөмж авахад нь зориулж таван мянган еврогийн чек гардуулсан юм.
Бүгд Найрамдах Словак Улсын Шадар сайд, гадаад хэргийн сайд ноён Мирослав Лайчак “Өнөөдөр биднийг хүлээн авч уулзаж байгаа та бүхэнд талархаж байгаагаа хэлмээр байна. Монгол Улс болон Бүгд Найрамдах Словак Улс олон жилийн найрамдалт харилцаатай. Мөн олон зуун монгол оюутан манай улсад ирж суралцаад өөрийн орны хөгжил цэцэглэлтэд гар бие оролцож байна. Өнөөдөр Бүгд Найрамдах Словак Улсын их сургуульд монголын 12 оюутан суралцаж байна. Энэ тоо цаашид улам нэмэгдэнэ гэдэгт итгэлтэй байна"
Д.Цэцэг