Монгол Улсын Ерөнхийлөгчийн 2003 оны 105 тоот зарлигийг үндэслэн жил бүрийн тавдугаар сарын эхний ням гарагийг "Үндэсний бичиг соёлын өдөр" болгон тэмдэглэдэг уламжлалтай. Үндэсний бичиг үсгийн баярын нээлтийн ёслол, хүндэтгэлийн арга хэмжээ тавдугаар сарын 2-нд Үндэсний номын санд болох гэж байгаа аж. Энэ ажлын хүрээнд "Судар бичгийн алтан сан" (үндэсний баримтат 108 өв) номын нээлтийн ёслол, "Дурсамж тээсэн монгол бичиг" цагаан толгойн үзэсгэлэн, зохиолч, уран бүтээлчид шилдэг бүтээлийнхээ гар бичмэлийг үндэсний номын санд хадгалуулж, гэрээ байгуулах ёслол зэрэг арга хэмжээ зохион байгуулагдах юм. Мөн "Бичиг соёл" төвийн хамт олон номын сангийн гадна талбайд олон нийтэд уран бичлэгээр үйлчилж, хэвлэлийн газрууд ном, бичгийн хэрэгслийн худалдаа хийх юм. Д.Цэцэг