Үндэсний мөнгөн тэмдэгтээр гүйлгээ хийхийг анхаарууллаа
2013-5-21

  ШӨХТГ-аас Монгол Улсад валютаар худалдаа эрхэлж байгаа байгууллага, аж ахуй нэгжүүдийг үндэсний мөнгөн тэмдэгтээр гүйлгээ хийж байхыг анхаарууллаа. Тодруулбал, зарим аж ахуйн нэгж, байгууллагууд бараа үйлчилгээнийхээ үнэ тарифыг гадаад валютаар тогтоож, худалдаалж байгаа талаар хэрэглэгчдээс ирүүлсэн гомдол, мэдээллийн дагуу шалгалт хийжээ. Шалгалтаар зарим компани бараа бүтээгдэхүүн, үйлчилгээнийхээ үнэ тарифыг гадаад валютаар тогтоосон, худалдсан, хэвлэл мэдээллийн хэрэгсэл, интернет сайтаар сурталчилсан нь тогтоогдсон байна.

Энэ нь Төлбөр тооцоог үндэсний мөнгөн тэмдэгтээр гүйцэтгэх тухай, Зар сурталчилгааны тухай, Хэрэглэгчийн эрхийг хамгаалах тухай хууль тогтоомж болон хэрэглэгчийн эрхийг зөрчсөн үйлдэл аж. Иймээс Бараа ажил үйлчилгээнийхээ үнийг Монгол Улсын нутаг дэвсгэрт зөвхөн үндэсний мөнгөн тэмдэгтээр илэрхийлж, түүгээр төлбөр тооцоо гүйцэтгэх тухай хуулийн шаардлагыг хангаж ажиллахыг аж ахуй эрхлэгч нэгжүүддээ анхааруулж байгаа ажээ.

Б.Одон

 
Shuud.mn
Сонин хачин