Андерграунд киноны уралдаан зарлалаа
2013-05-29 15:45

Кино урлагийн "Алтан хальс холбоо"-ноос монголын андерграунд кино уралдаан зарлажээ. Андерграунд гэдэг нь газар доор гэсэн утгатай бөгөөд цөөнхийн хүрээнд хийгддэг гүн гүнзгий утга санаатай кино аж. Уралдааны шүүгчээр кино зохиолч, найруулагч Д.Төрмөнх, Монголын урлагийн зөвлөл, энэ төрлийн кино сорихогч найруулагчид ажиллах юм байна.

Монголын Андерграунд кино уралдаан нь "Бичлэгийн чанар биш, бүтээлийн санаа чухал" гэсэн уриа дэвшүүлж байгаа бөгөөд гар утсаар дүрс бичиж хийсэн кино олон улсын шагнал хүртэж байгаа жишээ баримтуудыг дурьдаж болох аж. Хамгийн гол нь Андерграунд кинонд бүтээлийн санаа, шийдэл маш чухал байдаг аж. Гагцхүү нэг бүтээлийн үргэлжлэх хугацаа 5-10 минут байх шаардлагатай гэнэ

Б.Одон

Shuud.mn
Сонин хачин