Энэ жил Увс аймгийн өсвөрийн тамирчид улсын болон олон улсын шинж чанартай тэмцээнүүдэд амжилт гаргаж орон нутгийнхаа нэрийг өндөрт өргөсөн юм. Тухайлбал улсын даамын аварга шалгаруулах тэмцээнээс алт, мөнгө , хүрэл медаль хүртэж багийн дүнгээрээ 3-р байранд орсон бол самбо, жудо, чөлөөт бөхийн төрөлд оролцсон өсвөрийн тамирчид маань өндөр амжилт гаргаж зарим нь дэлхийн аваргын тэмцээний эрхээ өвөртлөн бэлтгэлдээ гарчээ.   Аймгийн ЗДТГ-ын зүгээс энэхүү амжил бүтээл гаргасан тамирчид, тэдгээрийг дасгалжуулсан багш нарыг урамшуулах, цаашдын бэлтгэл сургуульд нь туслах зорилгоор нэрэмжит шагналаа гардууллаа.   Хүүхдүүд шагнал гардах үеэр Сумогийн их аварга , Монгол улсын гавьяат тамирчид Д.Дагвадорж Галдан бошигт хааны өргөөнд ирж тэдэнд амжилт хүсэж, хамтдаа зураг даруулсан нь хамгийн давтагдашгүй шагнал байлаа.   Б.Сайнаа