Ерөнхийлөгчийн сонгуулийн ажиглалтыг өнөөдрөөс эхлүүлсэн болохыг “Филантропи хөгжлийн төлөө төв”-өөс албан ёсоор мэдээллээ. Сонгуулийн санал хураалтын үйл ажиллагаанд ажиглалт хийх “Филантропи” хөгжлийн төлөө төв  болон бусад төрийн бус байгууллагууд 39 хэсгийн хороонд ажиглалт хийх ажээ. Ингэхдээ үндсэн болон сайн дурын гэсэн 39 ажиглагч байх аж.

Тэд нийслэлийн Чингэлтэй, Баянзүрх, Баянгол, Сонгинохайрхан, Сүхбаатар, Хан-Уул дүүргийн хэсгийн хороодод ажиллах юм байна. Ийнхүү Төрийн бус байгууллагууд ажиглалт хийж байгаа нь сонгуулийн үйл явцыг үнэн шударга явуулах нөхцлийг бүрдүүлнэ гэдгийг тус төрийн бус байгууллагын төлөөлөл хэллээ. Тэд иргэдийг төлөөлж ажиглагч хийх юм байна. Ажиглалтынхаа тайланг энэ сарын 28- нд олон нийтэд зарлах гэнэ. Түүнчлэн өнгөрсөн 2009 оны Ерөнхийлөгчийн сонгуульд саналын хуудсанд будлиан гарч байсан ч АН болон МАН-ын төлөөллөөс бүрдсэн ажиглагчид нуун дарагдуулж байсан гэдгийг тус Төрийн бус байгууллагаас мэдэгдлээ.

Б.Одон