Фүкүшимагийн атомын цахилгаан станцаас 60 км-ийн зайд орших тариан талбайгаас хурааж авсан будаанаас цацраг идэвхт бодис илэрчээ. Өмнө нь будаанаас цацраг идэвхт бодис илэрсэн тухай шуугисан нь ч энэ нь албан ёсоор нотлогдоогүй. Тэгвэл Фукушимагаас холгүй орших тариан талбайгаас ямартай ч цацраг идэвхт бодис илэрсэн тухай Японы  засгийн газрын албаны эх сурвалжууд баталжээ. Одоогоор тус тариан талбайд мэргэжилтнүүд ажиллаж байгаа гэнэ. Мөн Фукушимагаас эргэн тойрны 200 км доторх бүх тариалан эрхэлдэг газруудад шинжилгээ хийхээр яаралтай ажиллаж байна.