Наадамчин олноо тохилог цэвэр орчинд наадуулахаар нийслэлийн Хот тохижилтын газраас Төв цэнгэлдэх хүрээлэн, Хүй долоон худгийн задгай талбай, хурдан морины замын усалгаа, Төв цэнгэлдэх хүрээлэнгийн гадна орчны цэвэрлэгээ, ногоон байгууламжийн тохижилтын ажлуудыг хийж эхэлжээ. Өнөөдрийн байдлаар Төв цэнгэлдэх хүрээлэнгийн гадна орчны 95 хувийг зүлэгжүүлсэн байна. Мөн  зам талбайн үйлчлэгч нар  автомашины А зогсоол, явган хүний зам талбай гэх мэт нийт 30 гаруй мянган метр квадрат талбайг цэвэрлэж байгаа юм байна. Д.Цэцэг