Хууль сахиулах байгууллагынхан Москва хотноо хууль бусаар амьдарч байсан хүмүүсийн шинэ орогнох байрыг илрүүлсэн байна. Энэхүү байрнаас Вьетнамын 250 иргэнийг баривчлан цагдаагийн хэсэгт хүргээд байгаа гэнэ. Үйлдвэрийн нэг өрөөнөөс автомат болон гар буу, сум зэргийг илрүүлжээ. Москва хотын дарга сүүлийн үед хууль бусаар амьдарч байгаа иргэдэд хатуу хандахаа мэдэгдсэн бөгөөд 1380 хүнийг баривчилжээ. ОХУ-ын цагдаагийн ажилчид өнгөрсөн зургадугаар сард зах байрладаг газар дор бүхэл бүтэн хот байгааг олж илрүүлсэн байна. Хууль бус иргэдэд зориулан кинотеатр, кафе, казино, оёдлын үйлдвэр ажиллаж байжээ. Тэрхүү үйлдвэрт нь дэлхийд алдартай брэнд хувцсыг хуурамчаар хятад иргэд хийдэг байсан байна. Баригдсан иргэдийг одоогоор цагдан хорьж байгаа аж.

Б.Дэлгэрцэцэг